Euskal presoak

Hamar euskal preso baino gehiago daude larriki gaixo Espainiako kartzeletan; hiru dira 70 urtetik gorakoak

Hainbat presok gaixotasun larriak dituzte, baina ez dute haien egoera publiko egin nahi izan. Jaiki Hadiren azken txostenaren arabera, orotara, 67 dira Espainiako espetxeetan gaixo dauden euskal presoak.

Gaixotasun larriak dituzten euskal presoak aske uztearen aldeko manifstazioa, Gasteizen, iazko maiatzaren 6an. /
Gaixotasun larriak dituzten euskal presoak aske uztearen aldeko manifstazioa, Gasteizen, iazko maiatzaren 6an. / Jaizki Fontaneda/Foku

Gorka Berasategi Otamendi -

2018ko ekainak 27

Pedro Sanchez Espainiako presidenteak babesa eskatu dio, gaur, Espainiako Kongresuari, espetxe politika aldatu eta euskal presoak Euskal Herritik hurbilen dauden kartzeletara tokiz aldatzeko. Sanchezek kazetari talde bati azaldu dionez, Espainiako Gobernua gaixo dauden presoak eta 70 urtetik gorakoak hurbiltzen hasiko da.

Jaiki Hadi mediku elkarteak azken txostenean jaso duenez, 67 euskal preso dira Espainiako kartzeletan gaixo daudenak. Horietatik hamarrek egin dute publiko gaixotasun larriak dituztela, baina badira beste zortzi, anonimotasuna gorde nahi izan dutenak. Elkarteak ez du txostenean zehaztu azken horietatik zenbat dauden Espainiako espetxeetan.

Larriki gaixo daudela jakinarazi dute Espainiako kartzeletan dauden ondorengo presoek: Josetxo Arizkuren (Iruñea, 1958), Mikel Arrieta (Errenteria, Gipuzkoa, 1960), Garikoitz Arruarte (Hernani, Gipuzkoa, 1980), Jose Manuel Azkarate (Tolosa, Gipuzkoa, 1963), Joseba Borde (Ugao, Bizkaia, 1959), Jagoba Codo (Donostia, 1964), Iñaki Etxeberria (Iruñea, 1964), Gorka Fraile (Durango, Bizkaia, 1970), Jose Ramon Lopez de Abetxuko (Gasteiz, 1949) eta Mikel Otegi (Itsasondo, Gipuzkoa, 1972).

Bestalde, 70 urtetik gora dituzte Sebastian Etxanizek (Soraluze, Gipuzkoa, 1943), Joseba Arregik (Oñati, Gipuzkoa, 1946) eta Santiago Arrozpidek (Lasarte-Oria, Gipuzkoa, 1948). Beste 21 euskal preso dira 60 urte baino gehiago dituztenak eta Espainiako espetxeetan jarraitzen dutenak, Etxeraten txostenaren arabera.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna