Paperik gabeko migratzaileek osasun zerbitzua berreskuratuko dute

Gutxienez 90 egunez egon beharko dira erroldatuta. 2012. urtean galdu zuten osasun zerbitzuak jasotzeko eskubidea, PPren osasun erreformaren ondorioz.

Osasun unibertsalaren aldeko protesta, Iruñean
Osasun unibertsalaren aldeko protesta, Iruñean Lander Fdz. Arroiabe / Foku

Berria -

2018ko ekainak 28

Migratzaile "irregularrek" osasun zerbitzuak jaso ahal izango dituzte, beti ere gutxienez 90 egun badaramatzate erroldatuta, edo euren "ahultasun egoeraren" berri ematen badute, gizarte zerbitzuen bidez. Hala adierazten du Espainiako Osasun Ministerioak argitaratu duen errege dekretu zirriborroak. Espainiako Gobernuak gaur bidali die autonomi erkidegoei.

Paperik gabeko migratzaileek 2012an galdu zuten osasun zerbitzuak jaso ahal izateko eskubidea, PPren gobernuak onartutako osasun erreformaren ondorioz. Egun, larrialdi zerbitzuetara jotzeko eskubidea bakarrik dute. Espainiako presidente Pedro Sanchezen gobernuak, ordea, duela bi aste adierazi zuen legea aldatzeko asmoa zuela.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna