Memoria Historikoa

Ezkabatik ihes egindako lau iheslariren gorpuzkiak aurkitu dituzte Larrasoañan

Haurra zela gertatutakoa ikusi zuen lekuko bati esker lortu dute non zeuden jakitea.

Larrasoañako hobitik atera duten gorpuzkietako bat. NAFARROAKO GOBERNUA./
Ainhoa Larretxea Agirre.
2018ko uztailaren 3a
15:25
Entzun

Nafarroako Gobernuko Bake, Elkarbizitza eta Giza Eskubideen zuzendaritza nagusiak berreskuratu ditu Ezkabako lau iheslariren gorpuzkiak. Larrasoañako hilerri kanpoaldean zegoen hobi batean aurkitu dituzte. Aldaketaren gobernua iritsi zenetik 72 gorpuzki atera dituzte lurpetik Nafarroan.  

Ezkabako ihesa gertatu zenean, haurra zen Paula Lizoain Larrasoañako bizilaguna, eta haren testigantzari esker lortu dute gorpuzkiak lurpetik ateratzea. Nafarroako Gobernuak Esteribarko ibarrean egindako bertze hobi batetik ateratzeko saioetan eman zuen testigantza Lizoainek —89 urte ditu egun—.

80 urte bete ziren maiatzean Ezkabako gotorlekuko 795 presok ihes egin zutenetik. Horietatik, 207 tiroz hil zituzten guardia zibilek, militar frankistek eta erreketeek. Bertze hamalau, berriz, bi hilabetera fusilatu zituzten. Hiruk bertzerik ez zuten lortu Ipar Euskal Herrira iristea.

Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Orain, aldi berria dator. Zure aldia. 2025erako 3.000 babesle berri behar ditugu iragana eta geroa orainaldian kontatzeko.