PRESOEN SAKABANAKETA

Estrasburgok Errusia zigortu du preso bat milaka kilometrora urruntzeagatik

Giza Eskubideen Europako Auzitegiak ebatzi du presoari familia bizitza izateko eskubidea urratu ziotela.

Giza Eskubideen Europako Auzitegia, artxiboko irudi batean.
Giza Eskubideen Europako Auzitegia, artxiboko irudi batean. PATRICK SEEGER / EFE

Jon O. Urain -

2018ko uztailak 4

Preso bat sorterritik urrun izatearen aurkako beste epai bat eman du asteartean Giza Eskubideen Europako Auzitegiak. Timur Voynovi hamabi urteko espetxe zigorra ezarri zioten 2009an, eta 2010eko apirilaz geroztik Areyskoyen egon da preso, ama eta bikotekidea bizi diren herritik 4.200 kilometrora. Voynovek ez du bikotekidea ikusi 2014az geroztik, eta ez du ezagutzen 4 urteko alaba.

Auzitara jo zuen presoak, eta 2017an arrazoia eman zion Estrasburgok. Orain, erabaki hura berretsi dute epaileek, eta ebatzi Errusiak urratu egin zuela Europako Giza Eskubideen Hitzarmenaren zortzigarren artikulua; alegia, familia bizitza izateko eta intimitaterako eskubidea. Errusiak 6.000 euro ordaindu beharko dizkio Voynovi kalte-ordain gisa, eta beste 850 prozedura judizialaren gastuei aurre egiteko.

Maria Elosegi epaile donostiarrak boto partikularra eman du auzitegiak aintzat hartu beharreko irizpideen inguruan, baina bat dator epaimahaiarekin, eta hark ere uste du Errusiak bizitza pribaturako eskubidea urratu ziola presoari. Aho batez hartu dute erabakia epaileek.

Ez da lehen aldia Estrasburgok Errusia zigortzen duena presoak sorterritik urrun edukitzeagatik; iazko martxoan, esaterako, Elvira Polyakova presoari eman zion arrazoia, eta ebatzi Giza Eskubideen Hitzarmeneko zortzigarren artikulua urratu zuela Errusiak.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna