INDARKERIA MATXISTA

Iruñeko Udalak 'EraStop' aurkeztu du, sexu erasoak salatzeko aplikazioa

Aplikazioa sakelakoan deskargatzen duen orok alarma helarazi ahalko dio Udaltzaingoari, geolokalizazio bidez.

Itziar Gomez, Xabier Ibañez eta Mikel Goñi, aplikazioaren aurkezpenean.
Itziar Gomez, Xabier Ibañez eta Mikel Goñi, aplikazioaren aurkezpenean. IDOIA ZABALETA / FOKU

Ion Orzaiz -

2018ko uztailak 4

Hiri Segurtasun eta Bizikidetzako zinegotzi ordezkari Itziar Gomezek, alorreko zuzendari Xabier Ibañezek eta MRSystem enpresako kudeatzaile Mikel Goñik aurkeztu dute sakelakoan erabiltzeko doako aplikazio berria.

Hiru botoi izanen ditu programak: "Eraso bat sufritzen ari naiz", "Eraso bat salatu nahi dut" eta "Lagundu nazazu". Lehen aukera larrialdietarako botoi bat da, eta, hori sakatuta, udaltzainak berehala mobilizatuko dira, geolokalizazio sistemaren bidez, alarma piztu duen pertsona non dagoen ikusi eta hari laguntza emateko.

Bigarren botoia, "Eraso bat salatu nahi dut", sexu eraso baten lekuko direnek erabili ahalko dute, Iruñeko Udaltzaingoarekin harremanetan jarrita.

Azkenik, "Lagundu nazazu" botoiarekin, aplikazioaren erabiltzaileek euren agendako kontaktu bat aukeratu ahalko dute, eta etxeraino "birtualki" laguntzeko eskaria bidaliko diote. Eskaria onartzen badu, pertsona "laguntzaileak" bere sakelakoan ikusiko du mapa eta geolokalizazioa, laguntza eskatu duen pertsona etxeraino iritsi dela ziurtatu ahal izateko.

Sanferminetan eskuragai jarriko dute aplikazioa, doan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna