Milaka pago bota ditu tornado batek Arabako Entzia mendilerroan

Asteazken arratsaldean izan zen tornadoa. 72 hektareatik gora daude hondatuta.

Horrela gelditu da Entziako pagadia tornadoa igaro ondoren
Horrela gelditu da Entziako pagadia tornadoa igaro ondoren Arabako Foru Aldundia.

Ainhoa Larretxea Agirre -

2018ko uztailak 6

Araba gurutzatu zuen asteazken arratsaldean trumoi ekaitz batek; euri jasa handiak izan ziren Gasteiz inguruan. Kalterik handienak, ordea, Entzia mendilerroan izan dira: tornado batek 72 baso hektarea suntsitu ditu han. 11 kilometro inguruko perimetroan, milaka pago suntsitu ditu, eta bertze anitz hondatuta daude.

Jose Antonio Aranda Euskalmeteko meteorologia arduradunak adierazi duenez, 15:30ean igaro zen tornadoa Legairetik. Orduko 180 kilometro inguruko haize boladak erregistratu ziren, eta hango pagoak suntsituta gelditu dira. Datorren astean, drone batekin aztertuko dute ingurua, kalteak zenbaterainokoak diren kalkulatzeko.

Entzia mendilerroa kontserbazio bereziko eremu gisa izendatuta dago balio ekologiko handikoa baita.

 

 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna