Indarkeria matxista

Espainiako Gobernuak Zigor Kodea moldatzea proposatuko du sexu delituak zehazteko

Carmen Calvo Espainiako presidenteordeak azaldu duenez, ondorengo irizpidea txertatu nahi du gobernuak legedian: "Emakume batek bai esaten ez badu, gainerako guztia ez da".

Carmen Calvo Espainiako presidenteordea, atzo, hedabideen aurreko agerraldian, Moncloa jauregian. /
Carmen Calvo Espainiako presidenteordea, atzo, hedabideen aurreko agerraldian, Moncloa jauregian. / Ballesteros/EFE

Gorka Berasategi Otamendi -

2018ko uztailak 10

Espainiako Gobernuak Zigor Kodea eta Prozedura Kriminalaren Legea moldatu nahi ditu, sexu erasoekin lotutako delituak zehaztu eta argitzeko. Proposamenaren helburua da delitu diren gertaerak, epaileen interpretazioen eraginez, delitu gisa ez epaitzeko arriskua murriztea. Nafarroako Auzitegi Nagusiak 2016ko Iruñeko sexu erasoa "abusua" izan zela ebatzi zuela-eta sortu zen erantzun herritar ozenaren ondoren adierazi zuen Pedro Sanchez Espainiako presidenteak Zigor Kodea moldatzea egokia izan zitekeela. Gobernuak hala egitea proposatuko duela jakinarazi du, gaur, Carmen Calvo presidenteordeak.

Gobernuaren proposamena Suediako Parlamentuak maiatzean onartu zuen moldaketaren antzekoa izango dela aurreratu du Calvok. Suediako legediak bortxaketatzat jotzen du emakumeen berariazko onarpenik ez duen edozein sexu harreman. "Hor dago babestuta [emakumearen] autonomia, askatasuna eta bere pertsonarekiko eta sexualitatearekiko errespetua", adierazi du Calvok.

Zigor Kodea eta Prozedura Kriminalaren Legea moldatzeko, jurista fiministen parte hartzea bultzatuko du gobernuak.

Horrez gain, Espainiako Gobernuak indarkeria matxistari aurre egiteko "ahalegin handiagoa" iragarri du aurrekontuetan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna