Hezkuntza

Ikastolen Elkarteak elkarretaratze bat egingo du larunbatean Seaskaren alde

Brebetaren auzia salatzeko eta irakasle postu gehiago exijitzeko protesta egingo du Bilbon.

Ikastolen Elkarteko ordezkariak, gaur, Donostian egin duten agerraldian. /
Ikastolen Elkarteko ordezkariak, gaur, Donostian egin duten agerraldian. / Ikastolen Elkartea

Leire Artola Arin -

2018ko uztailak 11

Larunbat honetan da, uztailaren 14an, Frantziako iraultzaren urteurrena. Frantziako estatuaren ospakizun eguna aukeratu dute, hain zuzen, egokia iruditu zaielako Hezkuntza Ministerio berriaren "jarrera jakobino eta kolonialista" salatzeko. Elkarretaratzera joateko deia egin du Ikastolen Elkarteak, "Frantziako Gobernutik Seaskako ikastolen aurka ekin dioten erasoari aurre egiteko". Eguerdian egingo dute, Frantziako kontsulatuaren aurrean.

Bi aldarrikapen nagusi dituzte: brebeta euskaraz egin ahal izatea, eta irakasle postu gehiago ematea. Aurten debekatu egin du hezkuntza errektoretzak brebeta osorik euskaraz egitea, baina ikasleek hala egin zuten, orain arte bezala. Orduan, zientziako azterketak "bahitu" zituen errektoretzak, eta soilik zifrak zuzendu dituzte. Horren ondorioz, notak apaldu egin zaizkie ikasleei. Aldiz, kolegio amaierako azterketa "nota oso onekin" gainditu dutela azaldu dute Seaskako arduradunek. Hur Gorostiaga zuzendariak salatu du Hezkuntza ministro berriak "gurutzada" hasi duela hizkuntza gutxituen kontra.

Era berean, 25 irakasle postu berri eskatu dituzte. Matrikulak gora ari dira, baina Frantziako Gobernuak ukatu egin du lanpostu gehiago ematea. Mobilizazioekin jarraituko dutela azaldu dute.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Iñigo Urkullu Eusko Jaurlaritzako lehendakaria, iragan astelehenean, Gasteizen ©Jaizki Fontaneda / Foku

«Erantzukizunerako» deia egin du Iñigo Urkulluk

Joxerra Senar

Sare sozialetan zabaldutako oharrean, Eusko Jaurlaritzako jarduneko lehendakariak ohartarazi du «denen artean ahal den guztia» egin behar dela lehen olatuan bizitako egoera dramatikora ez itzultzekoa.

 ©LUKAS COCH / EFE

COVID-19aren kutsatzeak arakatzeko aplikazioen eraginkortasuna, kolokan

Munia El Marhoum Iruretagoiena

«Normaltasun berrira» heldu bidean, koronabirusaren zabaltzea geldiarazteko tresna gisa aurkeztu dituzte zenbait 'app'. Herrialde askotan ez dira lortu hasiera batean aurreikusitako emaitzak

Osasun langileak, atzo, PCRak egiten, Donostiako Okendo kultur etxean. ©GORKA RUBIO / FOKU

Eragile guztiekin biltzeko eskatu dio oposizioak Eusko Jaurlaritzari

Olatz Esteban Ezkati

538 positibo atzeman dituzte Hego Euskal Herrian, iragan astean halako bi. Ospitaleratzeak ere bikoiztu egin dira egun batean: 103 pertsona daude erietxean.

 ©RAUL BOGAJO / FOKU

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna