Ekonomia

Araba, Bizkai eta Gipuzkoako behin-behineko kontratuen %35 astebete baino laburragoa dira

LHKren lan harremanen txostenaren arabera, negoziazio kolektiboa indartzen ari da 2018ko lehen hilabeteetan. Langileen %37k daukate ituna indarrean, eta iraungitakoen zenbatekoa %15era jaitsi da, lan erreforma indarrean jarri zenetik lehen aldiz.

Marisol Ramirez / Foku

Lander Muñagorri Garmendia -

2018ko uztailak 11

Hazkunde ekonomikoaren inguruko datuak behin eta berriro errepikatzen ari dira iturri ezberdinetatik, eta hazten ari dela diote. Lan Harremanen Kontseiluak espero du BPGa aurten %2,8 haziko dela, baina hazkunde horrek ez du lanpostuan behar beste eragin. Balorazio hori egin du Tomas Arrieta LHK-ko presidenteak. 2008an krisia lehertu zenetik, 2013. urtera arte langabeziak gora egin zuen, eta hortik hazkunde ekonomikoarekin batera berreskuratu da lan esparrua. Baina krisia lehertu zenean baino 50.795 lanpostu gutxiago daude egun Araba, Bizkai eta Gipuzkoan.

Langabezia tasa ere etengabe ari da jaisten 2014. urteaz geroztik, eta iaz %11,3an amaitu zuen. “Hori positiboa da, batetik langabezia jaisten ari dela erakusten duelako”, Arrietaren ustez. Baina argiak bere itzala ere badu, eta langabezia tasa jaisten ari bada bi gauzengatik dela esan du: lana duten pertsonak areagotzen ari direlako, baina baita populazio aktiboa jaisten ari delako ere. “Momenturen batean lan merkatuaren beharretarako jende gutxi egoteko arriskua” egongo dela ohartarazi du.

Lan arloko berreskurapenarekin batera, negoziazio kolektibora ere zabaldu da. Izan ere, kontratu mugagabeen kopurua %11,9 hazi zen pasa den urtean, eta behin behinekoak %2,8. Ia 79.000 kontratu mugagabe egin ziren, eta horietatik 25.000 inguru behin-behineko kontratuetatik iritsi ziren. Negoziazio kolektibo suspertzeak eragina izan du horretan, Arrietaren ustez. Hala ere, behin-behineko kontratuak dira gaur gaurkoz lana dutenen artean kontratazio mota ohikoena, eta horien artean %35 zazpi egun baino gutxiagorako egiten diren kontratuak dira. Beste %33tan zehaztu gabeko epea izaten dute.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna