Turull, Forn eta Rull Kataluniako espetxeetan dira

Urriaren 1eko erreferendumagatik preso dauden politikari guztiak Kataluniako espetxeetan daude jada. Bestetik, Torrak ziurtatu du ez duela onartuko diputatuen karguak eteteko Lleranak atzo kaleratutako ebazpena.

Presoak espetxera iritsi diren unea.
Presoak espetxera iritsi diren unea. Susanna Saez/Efe

Berria -

2018ko uztailak 11

Lledoners espetxera eraman dituzte Jordi Turull, Joaquim Forn eta Josep Rull. Sant Joan de Vilatorrada herrian dagoen espetxeko atarian ehunen bat lagun zituzten zain, eta ongi etorri egin diete, lazo hori, pankarta, oihu eta txalo artean.

Bi furgonetetan eraman dituzte, aurretik eta atzetik mossoen auto bana zutela. 13:00ak aldera iritsi dira. Kartzelan mediku azterketa egingo diete aurrena, eta gero bigarren modulora eramango dituztela aurreikusten da.

Gainerako sei presoak joan den astean lekualdatu zituzten. Eta horrenbestez, Kataluniako preso politiko denak hango espetxeen daude.

Torrak ziurtatu du ez duela onartuko diputatuen karguak eteteko ebazpena

Bestalde, soilik Kataluniako Parlamentuaren subiranotasuna aitortuko duela adierazi du Quim Torra Kataluniako presidenteak, eta defendatu du hark erantzun behar diola Espainiako Auzitegi Gorenaren erabakiari, "era kolektiboan". Clara Ponsati Generalitateko kontseilari ohiarekin bildu da, goizean, Edinburgon. Arratsaldean, Eskoziako lehen ministro Nicola Sturgeonekin elkartuko da.

Ebazpena "lotsagarria" dela salatu du "eskubide eta askatasun politikoak urratzen dituelako". Diputatu horiek herritarrek aukeratu zituztela ekarri du gogora. Ebazpenari eman beharreko "erantzun kolektiboa" legebiltzarrak erabaki beharko duela uste du.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna