Albistea entzun

Gizartea

'Utopia 68/18. Iruditeria berrien bila' jardunaldiak zuzenean eskaini ditu BERRIAk

"Utopia" gaur non dagoen aztertzen ari dira Usurbilen (Gipuzkoa), 68ko maiatza ardatz hartuta. Jardunaldiak Jakin-ek antolatu ditu eta UEUren Udako Ikastaroen parte dira. BERRIAk zuzenean eman ditu saioak, eta hitzaldiak ikusgai daude BERRIA TBn.

Berria -

2018ko uztailak 13

"Gaur egun eta hemen utopia zeri deitzen diogun aztertzeko, gizartea eraldatzeko borroka eremuak non dauden zehazteko, eta zer iruditeria kolektibo eraiki eta partekatzen ari garen hausnartzeko, nola berritu dezakegun pentsatzeko". Horretarako dira jardunaldiak, Lorea Agirre Jakin-eko zuzendariak azaldu zuenez.

"Nostalgiarik gabe" atzera begiratuko dute, 68 maiatzera. Garai hura Euskal Herrian ere aldaketa garaia izan zen; Agirreren arabera, "garai zaharraren amaiera eta berriaren sorreraren esperantza irudika zezakeen". Eta, handik, gaur egunera: "Gogoeta kolektiboaren bitartez, nora goazen edo nora joan nahiko genukeen begitantzeko".

Bederatzi aditu elkartuko dituzte horretarako, eta zortzi hitzaldi emango dituzte bi egunetan. BERRIAk zuzenean emango ditu haiek guztiak, webgunean. Ostegunean, Amaia Lasak, Alba Garmendiak eta Eduardo Apodakak parte hartu zuten.

Hemen egitaraua:

Osteguna:

-09:00-09:30 Harrera eta material banaketa.

-09:30-09:45 Lorea Agirre Dorronsoro (Jakin): Utopiari sarrera.

-09:45-10:45 Amaia Lasa (idazlea, poeta eta irakaslea): Nondik gatoz, non gaude.

-11:00-11:30 Atsedenaldia.

-11:30-12:30 Alba Garmendia (EHUko Filosofia Saileko doktoregaia): Utopia klasikoak eta berriak.

-12:30-13:30 Edu Apodaka (EHUko Soziologia irakaslea): Praxia, pragmatismoa eta utopia elkartzen diren tokia.

-13:30-14:45 Bazkaria.

-15:00-15:45 Uzuri Aboitiz (Universitat de Barcelonako Gizarte Antropologia Saileko doktoregaia): Zaintzak erdigunera. Aukerak, arriskuak eta zenbait galdera.

-15:45-16:30 Bego Zearreta (Bizkaiko adinekoen egoitzetako langile grebalaria): Zaintzaren aldeko borroka.

Ostirala:

-09:30-10:30 Iñaki Barcena (EHUko Politika Saileko irakaslea): Eko-Sozialismo-Feminista, utopia berri bat?

-10:30-11:15 Anaiz Agirre eta Xabier Harlouxet (Bizi mugimendua): Alternatiba burujabe bat lantzen.

-11:15-11:45 Atsedenaldia.

-11:45-12:30 Bego Huarte (Ongi Etorri Errefuxiatuak plataforma): Harrera herria nola antolatu.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Agurne Gaubeka Behatokiko zuzendaria eta Paul Bilbao Kontseiluko idazkari nagusia, iragan uztailaren 27an, Nafarroako Jauregiaren aurrean. ©IDOIA ZABALETA / FOKU

Epaileak hizkuntza politikan «esku hartzen» ari direla gaitzetsi du Kontseiluak

Joxerra Senar

Paul Bilbaok ohar egin du hizkuntza eskubideetan atzera egiteko arriskuaz. Behatokiko Agurne Gaubekak esan du epaitegietatik ez dela ezer onik helduko

Mobilizazio ziklo bat iragarri du etxebizitzaren aldeko egitasmoak

Iosu Alberdi

Zenbait eragilek loaldia egin dute Gasteizko Plaza Berrian. Hiriko udal gobernua egin dute gaur egungo egoera «onartezinaren» erantzule
Koldo Tellitu hitzaldia ematen, atzo, Bergaran. ©ARITZ LOIOLA / FOKU

Ikastolek «ausardia eta adorea» eskatu dute Hezkuntza Legerako

Irati Urdalleta Lete

Koldo Tellituk nabarmendu du «desengainua» hartu dutela Hezkuntza Legearen aurreproiektuaren lehen zirriborroarekin. Bildarratzek Tellituren jarrera gaitzetsi du: «Ulergaitza egiten zait»
Sheila Fernandez Berri Otxoak taldeko kidea. ©Aritz Loiola / FOKU

«Lanean ari den jende askok ezin du bizitza duina eduki»

Javi West Larrañaga, Bizkaiko Hitza

Ezkerraldeko gizarte eta etxebizitza arazoak salatzeaz gain, konponbidea ematen saiatzen da Berri Otxoak taldea. Langileen arteko prekaritateaz ohartarazi du Sheila Fernandezek: gero eta gehiagok eskatzen diete laguntza.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Irakurleen babesa ezinbestekoa da kazetaritza independente eta konprometitua egiten jarraitzeko.