Albistea entzun

Donostiako 66. Zinemaldia

Koldo Almandozen 'Oreina', Zuzendari Berriak sailean

Zinemagile donostiarraren bigarren film luzea da. Argentina, Danimarka, Espainia, Japonia, Kosovo, Mexiko, Errumania, Errusia, Suitza eta Vietnamgo beste hamabi zinemagileren lanekin lehian izango da. Oraindik sail horretako beste "pare bat" film geratzen dira iragartzeko.

Koldo Almandoz zinemagilea, joan den otsailean ateratako argazki batean.
Koldo Almandoz zinemagilea, joan den otsailean ateratako argazki batean. Gorka Rubio / Foku

Ainhoa Sarasola -

2018ko uztailak 12 12:12

Film laburren eta dokumentalen arloan ibilbide luzea egina du Koldo Almandozek (Donostia, 1973). Sipo Phantasma izan zuen lehen lan luzea, Rotterdamgo zinema jaialdian estreinatu, eta 2016. urtean Donostiako Zinemaldiko Zabaltegi-Tabakalera sailean erakutsi zuena. Orain, haren bigarren film luzea, Oreina, hautatu du jaialdiak, Zuzendari Berriak saileko lehiarako. Sail berean aurkeztuko dituzten beste hamabi filmen izenak jakinarazi dituzte Zinemaldiko arduradunek, Europa, Asia eta Latinoamerikako zinemagileek ondutakoak, baina zehaztu dute beste "pare bat" gehiago geratzen direla oraindik iragartzeko. Kutxabank-Zuzendari Berriak sariagatik lehian izango dira guztiak; nazioarteko epaimahai batek erabakiko du nork jasoko dituen sariaren 50.000 euroak.

Almandozen lanaz gain, Argentina, Danimarka, Espainia, Japonia, Kosovo, Mexiko, Errumania, Errusia, Suitza eta Vietnamgo hamabi sortzaileren lehen edo bigarren filmak erakutsiko dituzte sail horretan. Bederatzi opera prima daude hautatutakoen artean, eta lau bigarren film. Tartean dira, besteak beste, Elias Leon Siminiani espainiarraren Apuntes para una película de atracos; Natalia Mestxaninova errusiarraren Serdtse Mira / Core of The World; Hiroshi Okuyama japoniarraren Boku wa Iesu-sama ga kirai / Jesus; eta Ines Maria Barrionuevo argentinarraren Julia y el zorro filmak.

Zuzendari Berriak sailaren helburua talentu berriak bilatzea eta ezagutzera ematea dela gogorarazi du Jose Luis Rebordinos jaialdiko zuzendariak, Gerardo Cangas Kutxabankeko ordezkariarekin batera eginiko agerraldian. Aurtengo filmek jorratzen dituzten gaiei dagokienez, aniztasun handia dagoela nabarmendu du.

 

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Ruper Ordorika eta Joseba Sarrionandia, atzo iluntzean, Bilboko Kafe Antzokiko Kutxa Beltza aretoan. ©ARITZ LOIOLA

Honetaz eta hartaz, giro intimoan

Olatz Enzunza Mallona

Elkarrekin izandako bizipenak ardatz hartuta, askotariko gaiez solasean aritu dira Ruper Ordorika eta Joseba Sarrionandia ‘Huntaz eta hartaz’ emanaldian. Atzo hasi, eta ostegunera bitarte egingo dituzte saioak, Bilboko Kafe Antzokiko Kutxa Beltza aretoan. Amaitu dira sarrera guztiak.

Ezker-eskuin, Mari Jose Telleria, Adriana Moscoso del Prado eta Denis Itxaso, atzo, Artistaren Estatutuaren aurkezpenean. ©ANDONI CANELLADA / FOKU

«Konponbide duin bat» sortzaileei

Miren Mujika Telleria

Gipuzkoako Foru Aldundiak eta Espainiako Kultura Ministerioak kulturaren sektoreko lan baldintzak hobetzeko hartu dituzten neurrien berri eman dute Donostian. Langile asko joan da azalpenak aditzera.

 ©Iñigo Uriz / Foku

Irulegiko Eskuak leku berezia izango du 21. Arkeologia Jardunaldietan

Erredakzioa

Gaur hasi eta ostiralera bitarte egingo dituzte topaketak, Donostiako San Telmo museoan. Hitzaldietan hainbat gai jorratuko dituzte

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.