Osasuna

Berrordainketa indargabetuko die Madrilek "egoera zaurgarrienean" diren pentsiodunei

Carmen Monton Espainiako Osasun ministroak iragarri du osasun eta gizarte sistema "eraldatzeko" neurri sorta bat bultzatuko duela hurrengo hilabeteetan. Horien artean aipatu du gizarte seguratzaren kotizazioak berreskuratuko dituela profesionalak ez diren zaintzaileentzat.

Adineko bezeroak, sendagaiak erosten, farmazia batean. /
Adineko bezeroak, sendagaiak erosten, farmazia batean. / Juanan Ruiz/Foku

Berria -

2018ko uztailak 12

Espainiako Gobernuko ministroak datozen hilabeteetan garatuko dituzten lan ildo nagusiak aurkezten ari dira egunotan Espainiako Kongresuan, eta, gaur, Carmen Monton Osasun, Kontsumo eta Gizarte Ongizate ministroak aurkeztu ditu bere ministeritzaren politiken ardatzak izango direnak.

Ministroak aurreratu duenez, sendaigaien berrordainketa legealdi honetan ezabatzeko lan egingo du Espainiako Gobernuak. Era progresiboan hartuko ditu horretarako neurriak eta "egoera zaurgarrienean" diren pentsiodunak izango dira lehen onuradunak.

Horrez gain, ministroak adierazi du "datozen asteetan" Madrilek indarrean jarriko duela berriz ere osasun arreta unibertsala. Eta urtearen azken hiruhilekoan, menpekotasun legeari lotuta zaintza lanetan ari diren zaintzaile ez profesionalek gizarte segurantzaren kotizazioa berreskuratuko dute.

2019. urtean, berriz, Montonen ministeritzak Familia Zaurgarrien Laguntzarako Estrategia garatuko du, eta, urte horren hasieran, haurren kontrako indarkeriari aurre egiteko lege proiektua aurkeztuko du kongresuan.

Osasun mentalaren arloan, gobernuak suzidioaren prebentziorako plan bat aurkeztuko duela gaineratu du.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna