Ekaitzak ez du utzi beste aukerarik. Bart, zapuztu egin du korrikalari askoren hilabeteetako kirol prestalana, baina parte hartzaileen segurtasuna bermatzea lehenetsi dute antolatzaileek. Mikel Valdevieso antolatzailearen esanetan, "desastrea" litzateke egin zuen ekaitzarekin Aralarrera igotzea. "Erabakia hartzea ez zen erreza izan, baina eguraldiaren profesionalek esandakoari entzun, eta, prebisioa oso txarra zenez, Ehunmiliak eta G2hk probak bertan behera uztea erabaki genuen, guztion segurtasuna zen gure lehentasuna", azaldu du gaur goizean. Korrikalariek penaz hartu dute erabakia, baina eskertu egin dute segurtasuna lehenetsi izana.
âš ï¸Â OFIZIALA da: EHUNMILAK proba ere BERTAN BEHERA geratu daâ—ï¸ÂÂÂâ—ï¸ÂÂÂâ—ï¸Â eguraldiak ez du etenik ematen!!
— Ehunmilak UltraTrail (@EhunmilakG2) 13 de julio de 2018
âš ï¸Â OFICIAL: la EHUNMILAK tambien se SUSPENDEâ—ï¸ÂÂÂâ—ï¸ÂÂÂâ—ï¸ÂÂÂel temporal no cesa!! #ehunmilak18@CarrerasMontana@RUN247com@goierriHitza@GITBinfo@eitbAlbisteak@lasterketak
Erabakia hartu eta berehala, lasterketan ziren korrikalariak ibilbidetik atera, eta Beasaingo polikiroldegira eramateko lanean hasi zen antolakuntza, Gurutze Gorriaren laguntzarekin. Guztira, 3.000 lagun inguru —korrikalariak eta boluntarioak— eraman dituzte babesera. Horietako askok, polikiroldegian pasatu dute gaua.
g2h-ko azken lasterkariak Larraitzera iristen ari dira bertatik Beasainera antolakuntzak ekar ditzan! los últimos corredores de la g2h están llegando a Larraitz para ser evacuados a Beasain #ehunmilak18@CarrerasMontana@MaratonRadio@GustavoMontesFR@GoierriTurismo
— Ehunmilak UltraTrail (@EhunmilakG2) 14 de julio de 2018
#ehunmilak18 lasterketako lasterkariak Beasaingo Anzizar kiroldegira eraman dituzte pixkana, ehunmilak eta G2h bertan behera gelditu ondoren pic.twitter.com/b6H6MgfNfI
— Goierriko Hitza (@goierriHitza) 14 de julio de 2018
Kolpe gogorra izan den arren, Ehunmiliak probaren antolatzaileek adierazi dute oraindik indarrez daudela, eta Marimurumendi mendi maratoiari eutsiko diotela. Bihar irtengo da, 09:00etan, Beasaindik.
