Albistea entzun

Mendi lasterketa

Ehunmiliak proba bertan behera utzi dute bart, ekaitzarengatik

Korrikalariak Beasaingo kiroldegira (Gipuzkoa) eramateko lanean aritu da antolakuntza, Gurutze Gorriarekin batera. Adierazi dutenez, arriskutsuegia litzateke Aralarrera ekaitzarekin igotzea.

Ehunmiliak probaren irteera, atzo, Beasainen (Gipuzkoa). /
Ehunmiliak probaren irteera, atzo, Beasainen (Gipuzkoa). / Goierrko Hitza

Berria -

2018ko uztailak 14

Ekaitzak ez du utzi beste aukerarik. Bart, zapuztu egin du korrikalari askoren hilabeteetako kirol prestalana, baina parte hartzaileen segurtasuna bermatzea lehenetsi dute antolatzaileek. Mikel Valdevieso antolatzailearen esanetan, "desastrea" litzateke egin zuen ekaitzarekin Aralarrera igotzea. "Erabakia hartzea ez zen erreza izan, baina eguraldiaren profesionalek esandakoari entzun, eta, prebisioa oso txarra zenez, Ehunmiliak eta G2hk probak bertan behera uztea erabaki genuen, guztion segurtasuna zen gure lehentasuna", azaldu du gaur goizean. Korrikalariek penaz hartu dute erabakia, baina eskertu egin dute segurtasuna lehenetsi izana.

Erabakia hartu eta berehala, lasterketan ziren korrikalariak ibilbidetik atera, eta Beasaingo polikiroldegira eramateko lanean hasi zen antolakuntza, Gurutze Gorriaren laguntzarekin. Guztira, 3.000 lagun inguru —korrikalariak eta boluntarioak— eraman dituzte babesera. Horietako askok, polikiroldegian pasatu dute gaua.

Kolpe gogorra izan den arren, Ehunmiliak probaren antolatzaileek adierazi dute oraindik indarrez daudela, eta Marimurumendi mendi maratoiari eutsiko diotela. Bihar irtengo da, 09:00etan, Beasaindik.

 

 

 

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Jon Pacheco, Aritz Elustondo zoriontzen, hark Realaren bigarren gola sartu ondoren. ©DUMITRU DORU / EFE

Xeriff ere, girgilurik jarri ezinda

Jon Ander De la Hoz

Realak irabazi egin ditu Europa ligan jokatutako partida guztiak; azkena, Moldavian. Eskura du sailkatzea. Silvak eta Aritzek sartu dituzte golak
Moi Gomez, baloiarekin, Rayoren aurkako partidan. Aimar Oroz ageri da hari begira. ©JAGOBA MANTEROLA / FOKU

Aldaera berri bat gehitu du

Iñaki Berastegi

Jagoba Arrasate joko landuaren alde egiten ari da. Moi Gomez eta Aimar funtsezkoak izan dira estilo berria txertatzeko. Osasunak Valentzia hartuko du gaur gauean Sadarren.
 ©BERRIA

Pizgarri eta aukera

Julen Etxeberria

Danel Elezkano eta Iñaki Artola elkarren aurka ariko dira gaur Villabona-Amasan, lau eta erdikoaren final-zortzirenetan. Biek esan dute «nahi baino partida gutxiago» jokatu dituztela udan, baina «esperientziak» lagundu diela egoerara egokitzen.
Aritz Elustondo eta Jon Pacheco, beasaindarraren gola ospatzen. ©DUMITRU DORU / EFE.

Xeriff ere, girgilurik jarri ezinda

Jon Ander De la Hoz

Realak irabazi egin ditu Europa ligan jokatutako partida guztiak, Moldavian gailenduta. Eskura du multzoen fasea gainditzea, Silvak eta Aritzek egindako golei esker.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Irakurleen babesa ezinbestekoa da kazetaritza independente eta konprometitua egiten jarraitzeko.