BERRIAk 2007ko irailaren 4an hasi zuen bidea Twitterren, inguruko hedabideek baino lehenago. Hala idatzi zuen Pello Urzelaik 2011n, bere blogean.
BERRIAk irismen handia du Twitterren; 3.000.000 ikusle ditu hilero, eta BERRIArenak dira gehien partekatutako euskarazko edukiak. Halaber, erreferentea da euskarazko txiolarien artean, baita bertako kazetari eta kolaboratzaileak ere.
Milaka jarraitzaile eta irakurlek BERRIAren edukiak zabaltzeak eta, batez ere, haietako asko BERRIAlagun izateak egiten du posible egunero aktualitatearen berri ematea. Horrenbestez, BERRIA Taldearen izenean, eskerrak eman nahi dizkiogu gure komunitateari, egunez egun gure edukiak irakurri eta zabaltzeagatik.
