Katalunia

Bertan behera geratu da Puigdemonten kargugabetzeaz erabaki behar zuen Parlamentuko saioa

Parlamentuko mahaiko kideek ez dute akordiorik lortu matxinadagatik auzipetutako sei diputatu independenisten kargugabetzeari buruz. Puigdemont ez beste diputatuen kargugabetzea gauzatzearen aldekoa da Junts per Catalunya, ez, ordea, ERC eta CUP.

Parlamentuko mahaiko kideak, artxiboko argazki batean. /
Parlamentuko mahaiko kideak, artxiboko argazki batean. / Alejandro Garcia/EFE

Arantxa Elizegi Egilegor -

2018ko uztailak 18

Auzitegi Goreneko epaile Pablo Llarenak diputatu kargua eten die matxinadagatik auzipetutako sei diputaturi; behin-behineko neurriak Carles Puigdemonti, Oriol Junquerasi, Josep Rulli, Jordi Turulli, Raul Romevari eta Jordi Sanchezi eragiten die. Ordezkoak jarri edo ez erabakitzea, ordea, Kataluniako Parlamentuari dagokio, eta han alderdiak ez dira ados jarri.

Osoko saioa hasi aurretik bildu dira mahaiko kideak, eta Roger Torrent presidentearen proposamena izan dute mahai gainean: behin-behinean kargugabetutako diputatuak euren talde parlamentarioetako kideez ordezkatzea, gehiengoei euste aldera. Alderdi subiranisten artean ERC izan da ordezkoak jartzearen alde agertu den bakarra, argudiatuz besterik egiteak justiziarekiko arazoak eragin ditzakeela.

Erdibideko bide bat defendatu du Junts per Catalunya, eta bost diputaturi ordezkoak jartzeko prest agertu da, baina ez hala Puigdemontena, argudiatuz hori onartzea hura presidente izendatzeko aukerari uko egitea litzatekeela.

Bozketan Torrenten proposamenaren aurka bozkatu du JxCateko diputatuetako batek eta abstenitu egin da bestea. Aurka bozkatu du Ciutadanseko ordezkariak ere, eta alde ERCk eta PSCk. Berdinketa dela eta, azken erabakia datorren irailera arte atzeratu du Parlamentuak.

Hori gertatu ostean, baina, egoera lehertu da prentsaren aurrean. JxCk PSCren aldera lerrokatzea egotzi dio ERCri, eta hark gezurretan ari dela erantzun dio JxCri.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna