Noiz sortua: 2018-07-23 07:32:51

Kuba

Kubak 'komunismo' hitza kendu eta jabetza pribatua onartu du konstituzio proposamenean

Sexu berekoen ezkontza ahalbidetuko du erreformak. Hiru hilabetez, kubatarrek konstituziorako proposamenak bidali ahalko dituzte.

Kubako parlamentua artxiboko irudi batean.
Kubako parlamentua artxiboko irudi batean. Alejandro Ernesto

Ainhoa Larretxea Agirre -

2018ko uztailak 23

Bi egunetako eztabaidaren ondoren, Kubako Parlamentuak bukatu du konstituzioaren erreformaren inguruko lehen eztabaida. Komunismoaren inguruko erreferentzia oro kentzea izango da konstituzioaren erreformak ekarriko duen aldaketarik nabarmenena. Lehen aldiz jabetza pribatuaren onartzea ere ekarriko du erreforma berriak. Presidentetza bortz urteko bi legegintzalditara mugatuko du erreformak, eta ministroen lana koordinatzeko lehen ministro kargua sortuko dute. Ezkontzaren definizioa ere aldatuko du erreforma berriak: atea irekiko die sexu berekoen arteko ezkontzari.

Eztabaidan bukatu ondoren, aipatu erreformak konstituzioan txertatu eta, orain, abuztuak 13tik azaroaren 15era, Kubako biztanleek aldaketak proposatzeko epea izango dute herri galdeketa bidez. Konstituzioa erreformatzeko batzordeak herritarrek aurkeztutako proposamenak aztertuko ditu eta Parlamentuak berriro ere onartu beharko du egindako aldaketekin. Kubatarrek onartu beharko dute konstituzio berria erreferendum bidez.

Konstituzioaren erreformak segida eman nahi dio Raul Castro presidente ohiak (2008-2018) hasitako bideari. Raul Castro bera izan zen apirilean konstituzioaren aldaketaren berri eman zuena, eta bera izan da lehen aldaketa hauek idatzi dituen komisioko burua.

1976koa da Kuban egun dagoen konstituzioa eta egin duten erreformarekin denetara 113 artikulu moldatu dituzte, 87 artikulu berri sortu eta 11 kendu.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 28an eguneratua, 18:00etan. ©BERRIA

Koronabirusaren azken datuak

Berria

Azkeneko 24 orduetan hiru pertsona hil dira COVID-19 gaitzaren eraginez, 23 positibo atzeman dituzte PCR probekin, eta sei gaixo ospitaleratu dituzte. Euskal Herrian 28.976 gaixok eman dute positibo guztira, koronabirusa atzemateko probaren bat eginda. Horietatik 2.037 hil dira. Grafikoak, albiste barruan.

Baionako ospitalea, artxiboko irudi batean. ©Guillaume Fauveau

Mugak irekitzeko eskariak ugaritu egin dira

Berria

Edouard Philippek aipatu du mugako kontrolak kentzeko aukera. Ekainaren 15etik aitzinera izanen litzateke. Iñigo Urkulluk eta Alain Roussetek eskari horixe egin dute; Urkullu Espainiako presidenteari zuzendu zaio, eta Rousset, Frantziakoari, gutun bidez. «Akitania Berria-Euskadi-Nafarroa Euroeskualdean mugaz gaindiko mugikortasuna errazteko» eskatu diete. Nafarroako Gobernuak ere bat egin du eskari horrekin.

Gipuzkoaren eta Lapurdiren arteko mugako saltokiak. Muga ekainaren 15ean zabaltzea «litekeena» dela esan du Edouard Philippe Frantziako lehen ministroak. ©Jon Urbe / Foku

Ipar Euskal Herria bigarren fasean sartuko da ekainaren 2tik aitzina

Oihana Teyseyre Koskarat

Ostatuak zabalduko dituzte, baina neurri zorrotzak errespetatzeko baldintzarekin. Hirugarren fasea ekainaren 22an hastea espero dute.

Irun eta Hendaia arteko muga, apirila erdian ©Guillaume Fauveau

«Mugaz gaindiko mugikortasuna zabaltzeko» eskatu dute Urkulluk eta Roussetek

Berria

Gutun bat bidali dio Iñigo Urkullu EAEko lehendakariak Espainiako Gobernuko presidenteari, «Akitania Berria-Euskadi-Nafarroa Euroeskualdean mugaz gaindiko mugikortasuna zabaltzeko». Gutun beraren kopia helarazi dio Alain Rousset Akitania Berriko presidenteak Edouard Philippe Frantziako Gobernuko lehen ministroari.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna