Euskarabentura

Asteburua Lapurdin igaro ostean Gipuzkoan da berriz Euskarabentura

Irunen dira gaur espedizioko gazteak. Hasi zenetik 23 egun igarota, azken astean da Euskal Herria gurutzatzen ari den abentura. Uztailaren 31n bukatuko da Getxon.

Espedizioko kideak Donibane-Lohitzunera bidean./
Espedizioko kideak Donibane-Lohitzunera bidean./ Euskarabentura

Ainhoa Larretxea Agirre -

2018ko uztailak 23

Asteburua Lapurdin igaro ondotik Gipuzkoan da berriz Euskarabentura espedizioa. Goizean Baiona bisitatu ondoren, Hendaiarako bidea autobusez egin dute gazteek. Bertatik Irunera oinez joan dira, eta han bazkaldu dute. Arratsaldean muga eta kontrabandoaren inguruko solasaldia izan dute gazteek Bidasoaren bi aldeetan bizi diren Irundarrekin. Bihar, Irun atzean utzi eta Gipuzkoako kostaldean jarraituko du espedizioak. Olatz Silva BERRIAko kazetaria bertan da, eta bertatik bertara kontatzen ari da espedizioaren berri.

Pasa den astean Gipuzkoan ibili ondotik, Lapurdiko kostaldeaz gozatzeko aukera izan dute asteburuan espedizioko gazteek. Larunbatean ikusi zuten gazteek kostaldea lehen aldiz espedizioa hasi zutenetik. Igandera arte itxaron behar izan zuten, ordea, abenturako lehenengo bainua hartzeko.

Igandean, Donibane Lohitzunetik Baionarako bidea hartu zuen espedizioak. Itsasoari jarraiki ailegatu ziren gazteak Miarritzera, eta han hartu zuten espedizioko lehen itsasoko bainua. Handik Baionara joan ziren autobusez. Baionan, Euskoa iparraldeko monetari buruz solasteko, Xebax Crhisty Euskoa elkarteko presidentea zuten zain. Afaldu ondoren, sormen lanak ikusteko aukera izan zuten. Euskarabenturan parte hartzeko gazteek Euskararen inguruko sormen lan bat aurkeztu zuten eta atzo hasi ziren hauetako batzuk ikusten.

Larunbatean egin zuten Irundik Donibane Lohizunerako bidea. Bidean Anton Abadiaren gaztelua bisitatzeko geldialdia egin zuten. Handik Donibane Lohizunerako bidea itsas ondotik egin zuten. Donibane Lohizunen Eneko Gorri Miarritzeko euskara teknikaria zuten zain. Lapurdin euskarak duen egoeraren inguruko hitzaldia eman zien Gorrik, eta euskararen erabilerari buruzko hausnarketa kolektiboa egiteko aprobetxatu zuten.

Irunen da gaur Euskarabentura, eta bihar Irun atzean utzi eta kostaldean barrena Pasaiara joango dira. 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna