Euskara

Inposiziotzat jo dute Tuteran jai hasierako txupinazoan euskara erabili izana

"Gora Tutera" eta "Gora Santa Ana" esanez bota du txupinazoa Erribera Intsumisoko ordezkari Edurne Leonek. Jaiak "politizatzea" egotzi dio UPNko ordezkari Alberto Catalanek.

EH Bildu

Arantxa Elizegi Egilegor -

2018ko uztailak 25

Euskalduna da Edurne Leon, eta hizkuntza hori erabiltzen du bere egunerokoan ere. Hala ere, jaien hasierako txupinazoa botatzeko aukeratu zutenean zalantzak izan zituen erabilko zuen hizkuntzari buruz. Azkenean, ordea, bietan egitea ebatzi zuen, gazteleraz eta euskaraz. "Aske eta bizirik nahi zaituztegu. Gora Tutera. Gora Santa Ana", esanez bota zuen suziria.

Lehen aldiz erabili da euskara aurten jaiei hasiera emateko. Baina Leonen erabakiak kritika zaparrada ere eragin du sare sozialetan. Jaiak "politizatzea" eta euskara "inposatzea" egotzi dio UPNko kide Alberto Catalanek Twitterreko bere kontuan: "Ez ditu tuterarrak ordezkatzen. Tamalgarria, errealitatea".

Harekin bat etorriz, izan dira plazan Leonen hitzak txistuka hartu zituztenak goratu dituztenak ere: "Gora inposizio abertzaleari men egiten ez dion jende gaztea".

Dena den, gehiago izan dira Leonen alde egin dutenak euskararen erabilera kritikatu dutenak baino. EH Bilduko parlamentari Bakartxo Ruizek, esaterako, "sektarismoa" leporatu die Leonen jarrera kritikatu dutenei, eta gogorarazi du Tuterako euskaldunek ere ordezkatzen dituztela herritarrak. Pertsona ugari bat etorri dira harekin.

 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna