Errefuxiatuak

Mediterraneoan gutxienez 1.500 migratzaile hil dira aurten, IOMren arabera

Libiatik Italiara doan itsasbidean hiltzen dira gehienak, Nazioarteko Migrazio Erakundeak jakinarazitako datuen arabera. Denera, 55.001 migratzaile iritsi dira Europara —iaz, epe berean, 111.753, eta, 2016an, 250.000—.

'Aquarius' ontzia Marsellara (Frantzia) iristen, artxiboko irudi batean.
'Aquarius' ontzia Marsellara (Frantzia) iristen, artxiboko irudi batean. EFE

Berria -

2018ko uztailak 27

IOMren eledun Joel Millmanek azaldu duenez, egun Espainia da errefuxiatuen helmuga nagusia: "Urtarriletik uztailera, 20.992 migratzaile iritsi dira Espainiako kostaldera". Italiara, berriz, 18.130 iritsi dira, eta gainontzekoak Greziara —15.528—, Maltara —243— edo Ziprera —108— joaten dira.

Hildakoei dagokionez, Espainiara doan itsasbidean 304 etorkin hil dira aurten, Italiara doanean 1.111 eta Greziara doan itsasozko bidean, aldiz, 89.

Duela gutxira arte Italia zen migratzaileen helmuga nagusia, baina Italiako Gobernuaren jarreraren ondorioz, migratzaile gehienak Espainiara joateko erabakia hartu dute, hango gobernuak Italiakoak baino jarrera irekiagoa duelakoan. Atzo, 602 migratzailek Ceutako hesia zeharkatzea lortu zuten.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna