Lan istripua

Langile bat hil da Legution

Erabiltzen ari zen garabiko pieza bat gainera erori zaio. Aurten, 30 langile hil dira lan istripuan.

Lan istripuak salatzeko elkarretaratzen bat, Iruñan. /
Lan istripuak salatzeko elkarretaratzen bat, Iruñan. / Iñigo Uriz/Foku

Irati Urdalleta Lete -

2018ko abuztuak 1

Ezbeharra 09:15ean gertatu da Legutioko (Araba) Olatek enpresan. Langilea makinak mantentzeko azpikontratatutako Ventil enpresakoa zen, eta, oraindik argitzeko dauden arrazoiengatik, erabiltzen ari zen garabiko pieza bat buru gainera erori zaio.

Osalaneko langileak ikertzen ari dira nola gertatu den 34 urteko gizon portugaldarraren istripua.

CCOO sindikatuak azpikontratatu kasuetako segurtasun falta salatu du, eta instituzioei ikuskapen gehiago egiteko eskatu die.

Azken astean, hiru pertsona hil dira lan istripuz

Atzo goizaldean, Cintruenigoko (Nafarroa) kamioilari bat hil zen, Huescan izandako istripu batean. 44 urteko beharginaren kamioia AP-2 errepidetik atera zen, eta, aldapa batetik erori ostean, su hartu zuen. Bartzelonara letxugak eraman ostean, Nafarroara itzultzen ari zen, eta 05:30ean Fragan (Huesca) istripua eduki zuen. Suhiltzaileak bertaratu baziren ere, ezin izan zuten ezer egin.

Ostiralean, berriz,  35 eta 54 urteko bi langile hil ziren Corellako araztegian, hondakin urak zeuden hiru metroko putzu batera erorita. Istripua 14:22an gertatu zen; bi langileetako bat gas, toxikoak arnastegatik zorabiatu, eta putzura erori zen. Beste langilea laguntzera jaitsi zen, eta biak oxigeno faltagatik ito ziren.

Ezin izan zuten ezer egin Ricardo Catalan Garciaren eta Luis Gonzalez Fernandezen bizia salbatzeko, suhiltzaileak eta medikuak bertaratu baziren ere. Gorpuak erreskatatzea ere zaila izan zen, metro bateko diametroko hodi batean baitzeuden, eta putzuak gas kaltegarrik isurtzen baitzituen.

Guztira, 2018. urtean, 30 dira Euskal Herrian lanean hildakoak.

 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna