Noiz sortua: 2018-08-03 14:57:57

ALDERDIAK

'Ahal Dugu-Orain Bai' izena hartuko dute Ahal Dugu-ko kritikoek Nafarroako Parlamentuan

Idoia Tajadura legelari nagusia kargutik kendu du parlamentuko mahaiak.

Nafarroako parlamentuko mahaia, gaur goizean
Nafarroako parlamentuko mahaia, gaur goizean Iñigo Uriz / FOKU

Iraitz Mateo Gogorza -

2018ko abuztuak 3

Nafarroan Ahal Dugu-k izan dituen iskabilen ostean, alderdiko parlamentari kritikoek izen aldaketa eskatu dute. Ahal Dugu-Orain Bai izena proposatu dute Laura Perez, Carlos Couso, Ruben Velasco eta Fanny Carrillok. Proposamena aurrera atera da: PSNk ezezkoa bozkatu du, eta UPNk, Geroa Baik, EH Bilduk eta Ezkerrak, baiezkoa. Izen aldaketa gaur egin den Bozeramaileen Mahaian onartu da.

Bestalde, Nafarroako Parlamentuko legelari nagusi Idoia Tajadurak kargua uztea proposatu zuen ganberako presidente Ainhoa Aznarezek. Tajadurarengan "konfiantza" galdu zuela esanez justifikatu zuen. Gaurko bilkuran, kargugabetzea aurrera atera da, Aznarezen, Unai Hualde (Geroa Bai) eta Maiorga Ramirezen (EH Bildu) aldeko botoei esker. UPNko Alberto Catalan eta Maribel Garcia Malok ezezkoa bozkatu dute.

Laura Perez Nafarroako Ahal Dugu-ko idazkari nagusi ohia alderditik kanporatzeak ekarri zuen Ahal Dugu-ko barne eztabaida. Izan ere, barne batzordearen arabera, alderdiaren kode etikoa, estatutuak eta barne araudia "larriki" urratzeagatik bota zuten Perez. Perezek salatu zuen bere burua defendatzeko eskubidea urratu ziotela, eta zalantzan jarri zutela bere hitza.

Erabakiak Madrilen edo Iruñean hartu behar ziren izan zen kanporatzeko beste eztabaidagaietako bat, eta alderdiarekin kritiko agertu ziren Causo, Velasco eta Carrillo ere. Azkenerako, laurak geratu ziren alderditik kanpo, eta, parlamentuan parte hartzen jarraitu badute ere, izena aldatzea erabaki dute.

 

 

 

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Lehen arretako profesionalen protesta bat, iaz, Gasteizen. ©ENDIKA PORTILLO / FOKU

Murgak egoera hauskorraz ohartarazi du, 15 kutsatu gehiagoren berri emanda

Ane Eslava

Egoera «kontrolpean» dagoen arren, «zuhurtzia» eskatu du. Nafarroan ez da kasu berririk egon. Lehen arretako langileek protesta egin dute

Larrialdi zerbitzuek behin-behineko ospitale bat jarri dute Lleidan. ©Ramon Gabriel / Efe

Kataluniako Gobernuak konfinamendua ezarri die 200.000 herritarri

Berria

Lleidako eskualde batean koronabirusaren zortzi agerraldi detektatu dituzte. Eguerdian jarri dute indarrean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna