Euskal Presoak

Alfredo Remirez Zaballako espetxera lekualdatu dute

Darocako espetxetik (Zaragoza, Espainia) eraman dute Zaballara (Iruña Oka, Araba).

Marisol Ramirez/FOKU

Berria -

2018ko abuztuak 10

Etxetik 370 kilometrotara zegoen Alfredo Remirez Darocako espetxean, eta etxetik 40 kilometrora izango da orain, Zaballako espetxean. Euskal Herriratu dutela jakinarazi du, gaur, Alfredo Remirez amurrioarrak, bere askatasuna aldarrikatzeko plataformak Twitterren adierazi duenez.

 

2017ko otsailean, Twitterren "terrorismoa goratzea" egotzi zion Espainiako Auzitegi Nazionalak. Remirezen defentsak, orduan, akordio bat egin eta urte eta erdiko espetxe zigorra eta 14 hilabete eta sei hilabeteko inhabilitazioa onartu zuen, horrela kartzela sahiesteko.

Auzitegi Nazionalak, ordea, Remirezek lehenago epaitegi beretik jasotako kondena bat erabili zuen hura kartzelaratzeko. 2009an, Remirezi urtebeteko espetxe zigorra ezarri zioten, Amurrioko (Araba) festetan euskal preso bat irudikatzen zuen panpina bat erakusteagatik. Auzitegi Nazionalak sententzia hori erabili zuen amurrioarra kartzelan sartzeko.

2017ko azaroan espetxeratu zuten Basauriko kartzelan, eta joan den otsailean Zaragozako Daroca espetxera eraman zuten. Handik lekualdatu dute, gaur, Zaballara.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna