Gizartea

"Kolapsatzeko arrisku larrian" dago Deba eta Mutriku arteko zubia

Gipuzkoako Foru Aldundiak "premiaz" hasi nahi ditu zubia konpontzeko lanak

Deba eta Mutiku arteko zubia
Deba eta Mutiku arteko zubia Gorka Rubio./

Berria -

2018ko abuztuak 10

"Premiaz jardutea erabaki dugu, eta 1866ko ondare honen osotasuna ziurtatuko duen obrari heltzeko lanean ari gara, babes bereziko kalifikazioa baitu". Hitz horiekin adierazi du Denis Itxaso Gipuzkoako Kultura diputatuak Deba eta Mutriku arteko zubiaren inguruko kezka. Izan ere, aldundiak egindako txosten tekniko batek agerian utzi du azpiegitura "kolapsatuta" dagoela, eta bi zati, erortzeko arriskuan. Zubiaren egituraren parte bat zurezkoa da, eta intsektuek janda dago. Uztail hasieran hondoratu zen, euriteen ondorioz.

Diagnostiko horren aurrean, eta "zubiaren kontserbazioa ziurtatzeko", konponketa lanak "larrialdi prozeduraren" bidez eman nahi ditu Gipuzkoako Diputazioak. Aldundiak jakinarazi du premiazko bilerak egiten ari direla, bai erakunde barruan, bai Debako eta Mutrikuko udalekin. Era berean, Itxasok ohartarazi du udalen ardura dela herritarrek zubia zeharka dezaten debekatzeko neurriak hartzea.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna