Pablo Ibar

Datorren urtera atzeratu dute Pablo Ibarren aurkako epaiketa

Epaimahaiaren aukeraketa otsailean hasiko dute, Gabonetako oporrek "prozesua eten ez dezaten".

Pablo Ibar epaitegira heltzen, 2017ko argazki batean. /
Pablo Ibar epaitegira heltzen, 2017ko argazki batean. / Giorgio Viera/EFE

Arantxa Elizegi Egilegor -

2018ko abuztuak 14

Bihar zuten hastekoa Pablo Ibarren aurkako epaiketarako epaimahaiaren aukeraketa, baina epaileak hura atzeratzea erabaki du argudiatuta orain hasiz gero Gabonetako oporretan etenaldia egin beharko dutela. Hala datorren urteko otsailera atzeratu dute auzia.

Epaiketa azkarra egitearen aldekoa zen defentsa; Fiskaltzak, aldiz, denbora gehiago eskatua zuen DNA laginetan aditua den zientzialari baten lekukotza prestatzeko. Azkenean, atzerapena onartu du Dennis Baily epaileak. Erabakia, ordea, ez da eztabaidarik gabekoa izan. Ibarren defentsak epaiketa "nahita" atzeratzea egotzi zion fiskalari atzoko saioan.

Kezka agertu du Ibarren familiak ere, eta ohartarazi du auzia atzeratzeak aurreiritziak sortzeko arriskua ekar dezakeela. Izan ere, epaimahaiko kideen aukeraketa sei eta zortzi aste artean luza daiteke.

Pablo Ibarren aurkako hirugarren epaiketa izango da datorren urtekoa. 1994an klub baten jabea eta han lanean ziharduten bi neska hiltzea egotzita epaitu zuten, 1998an. Baina epaia baliogabetzat jo zuten, gutxira. Bi urte geroago, baina, hiltzera zigortu zuten. Baina bigarrenez baliogabetu zuten epaia 2016an, argudiatuta epaiketan "urratu" egin zirela Ibarren eskubideak. Gainera, zigorra argudio ahulekin ipini zitzaiola: nabarmendu zuen ez dagoela hatz markarik, DNA laginik eta irudirik hura erruduna dela erakusteko.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna