Donostiako jaietan pixa egitera joandako emakumeak euren baimenik gabe grabatzeagatik atxilotutako gizona epailearen aurretik igaro da gaur, eta hark aske utzi du oraingoz. 53 urteko gizona astelehen goizaldean atxilotu zuten ertzainek Donostiako kaitik gertu, herritar batek ohartarazi ostean gizon bat "jarrera susmagarriarekin" ikusi zuela: lurrean ipinitako sei bideokamera jasotzen ari zen. Sakelekoan ere hainbat bideo topatu zizkioten gero.
