AEB-ak

Adingabeei sexu abusuak egiteaz akusatu dituzte 300dik gora apaiz AEBetan

Ikerketak, 1947an hasi eta gaur arte, sei elizbarrutitan gertatutako abusuak jasotzen ditu. Ordea, kasu gehienek preskribatu dute edo erasotzailea hil egin da, eta beraz, ezinezkoa da erantzuleak auzipetzea.

Donal Wuerl artzapezpikuak zuzenzten duen Pittsburgheko elizabrruaia da ikertu dutenetako bat. /
Donal Wuerl artzapezpikuak zuzenzten duen Pittsburgheko elizabrruaia da ikertu dutenetako bat. / Ettore Ferrari/EFE

Arantxa Elizegi Egilegor -

2018ko abuztuak 15

Pennsylvaniako Auzitegi Gorenak zabaldu du txostena. Bertan, mila adingaberi baino gehiagori sexu abusuak egiteaz akusatutako 300dik gora monsinore, apezpiku, artzapezpiku eta kardinalen izenak agertzen dira. "Apaizek haurrak bortxatu zituzten, eta haien gainetik zeudenek ez zuten ezer egin, eta, gainera, urteetan ezkutatu egin zituzten abusuok".

Ikerketak 1947az geroztik Pennsylvaniako sei elizbarrutitan gertatutako erasoak biltzen ditu. Ondorioek hautsak harrotu badituzte ere, auzitegiak zehaztu du kasu gehienetan ezinezkoa dela epaiketarik egitea delitua preskribatua dagoelako edota erasotzailea hilik dagoelako. Dena den, Erie eta Greensburgeko elizbarrutitako bi apaizen kasuan salaketek aurrera egin dute.

Ikertzaileen lana txalotu du John Shapiro fiskal nagusiak ere, eta zehaztu du AEBetan eta Eliza katolikoaren barruan egindako haurren kontrako sexu abusuen inguruko orain arteko ikerketarik zabalean dela hau.

Shapirok salatu du Elizak nahiago izan zuela biktimak alde batera utzi eta apaizak babestea, gertatutakoa salatzea baino. "Arduradunek txorakeria edo jarrera desegoki gisa deskribatzen dituzte abusuok; baina ez da halakorik, bortxaketez ari gara".

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna