Iruñeko Gaztetxea

Asironek uste du gaztetxea husteak gizartearen "zatiketa handituko" duela

Gaztetxearen inguruan sortu den arazoa konpontzeko, elkarrizketarako deia egin du Iruñeko alkateak.

Joseba Asiron Iruñeko Alkatea artxiboko irudi batean. IDOIA ZABALETA, FOKU
Ainhoa Larretxea Agirre.
2018ko abuztuaren 16a
14:15
Entzun

Joseba Asiron Iruñeko alkateak Maravillas gaztetxearen inguruko adierazpenak egin ditu gaur goizean. "Aldabakarreko husteak" arazoa konpondu ordez "zatiketa handituko" lukeela adierazi du Iruñeko alkateak.

Iruñeko Udala gaztetxearen inguruan sortu den eztabaida "tentu handiz" jarraitzen ari dela gaineratu du Asironek, eta elkarrizketarako deia egin du: "Elkarrizketarako garaia da. Bi aldeak hitz egiten has daitezela nahi dugu denok". Gaineratu du negoziazio baten hasieran "ohikoa" dela hiru aldeek —Maravillas gaztetxeak, etxearen jabeak eta Nafarroako Gobernuak— orain arte izandako jarrera.

"Guretzat ezinbertzekoa da gazteek kultura eta aisialdirako aukera autogestionatua izatea", adierazi du Asironek, eta "oraindik okupatutako guneak egoteak arlo honetan lan egiteko asko dagoela erakusten du", gaineratu du.

 Aldeetako batek eskatuz gero Iruñeko Udala "edozertan laguntzeko prest" dagoela nabarmendu du Asironek.

 

Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Orain, aldi berria dator. Zure aldia. 2025erako 3.000 babesle berri behar ditugu iragana eta geroa orainaldian kontatzeko.