Donostiako Aste Nagusia

Aste Nagusiaren lehen balorazio ona egin du Goiak, "erasoek ilundu" duten arren

Jende asko ibili dela adierazi du alkateak. Lapurreta kopurua handitu egin dela eta, kezkatuta azaldu da, eta lapurretekin adi egoteko eskatu die herritarrei.

Eneko Goia Donostiako alkate, artxiboko irudi batean./
Eneko Goia Donostiako alkate, artxiboko irudi batean./ Juanan Ruiz/Foku

Ainhoa Larretxea Agirre -

2018ko abuztuak 16

Erdigunera iritsi da Donostiako Aste Nagusia, eta Eneko Goia alkateak festen orain arteko balorazioa egin du. Adierazi duenez, eraso sexistek eta Urnietako gazte batek jasandako jipoiak ilundu dituzte orain arte onak izan diren festak.

"Jaiak giro oso onean, jendearen parte hartze altuarekin eta normaltasunez ospatzen ari gara", gaineratu du Goiak. Festen alde iluna ere azpimarratu du Goiak. Izan diren eraso sexistak eta emakumeen askatasunaren aurkako erasoak aipatu ditu, eta "kontuz ibiltzeko" deia egin du. Goiak gaineratu du azken egunetan nabarmen gehitu direla lapurretak, gehienbat sakelakoenak, eta herritarrei arreta mantentzeko eskatu die, gehienbat jende asko dagoen eremuetan.

Donostiako alkateak astelehen goizaldean Urnietako gazte batek jasandako erasoa ere gaitzetsi du —gizon batek jo ostean, koman dago gaztea—, eta elkartasuna helarazi die haren senitartekoei.

Aurten udalak jaia hirigunetik auzoetara zabaltzeko eginiko ahaleginarekin pozik azaldu da Goia, eta gaineratu du herritarren erantzuna "ezin hobea" dela.

 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna