Albistea entzun

Hilberria

Aretha Franklin zendu da, soularen erregina

76 urte zituela hil da artista estatubatuarra. 2017an agertu zen azken aldiz jendaurrean.

2016an Herbie Hancockekin Etxe Zurian eman zuen kontzeruaren momentu bat.
2016an Herbie Hancockekin Etxe Zurian eman zuen kontzeruaren momentu bat. AUDE GUERRUCCI / EFE

Berria -

2018ko abuztuak 16 07:47

Astelehenean zabaldu zen larri zegoela kantari estatubatuarra, eta ostegun arratsaldean iritsi da haren heriotzaren berria. Aretha Franklinek 76 urte zituen, eta Detroiteko bere etxean eman du azken hatsa.

1942. urtean Memphisen jaio, eta 1950eko hamarkadan sartu zen musikaren munduan. Hemezortzi Grammy sari irabazi zituen, eta 75 milioi album saldu zituen bere karrera osoan. Azken kontzertua 2017ko azaroaren 17an eman zuen, New Yorken, Elton Johnek hiesaren aurka antolatutako gala batean.

Rock-and-Rollaren Ospearen Aretoan sartu zen lehen emakumea izan zen, 1987an. Emakumeen eta beltzen borroken ikur ere izan da askorentzat, eta haren kantak, inspirazio iturri.

(You Make Me Feel Like) A Natural Woman, Respect eta Spanish Harlem abesti ezagunen sortzailea izan da Franklin, bertzeak bertze. 2008. urtean, Rolling Stone aldizkariak historiako abeslari onena izendatu zuen. Soularen erreginaren izendapena bere merituz irabazi zuen.

Aita artzain baptista zuen, eta elizan hasi zen kantuan. Oso gazte grabatu zuen lehen diskoa (Songs of Faith), 14 urterekin, gospelari helduta. Ama ere gospel kantaria zuen, izan ere. Aitaren ofizioari esker ezagutu zituen, kronikek kontatzen dutenez, Ella Fitzgerald eta Duke Ellington, beste zenbaiten artean.

Sei hamarkada egin ditu oholtzetan, musika beltzaren ertz guztiei bere ahotsez eta pianoz lustrea emanez: gospela, soula, jazza, bluesa... baita popa eta beste herri musika batzuk ere. 1956an kaleratu zuen lehen diskoa, eta 2011n azkena (A Woman Falling Out of Love). Ordurako gaixo zegoen; 2010ean diagnostikatu zioten minbizia lehen aldiz.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Almadien Eguna Burgin (Nafarroa), apirilaren 30ean. ©Villar Lopez, EFE

Almadia ondare immaterialeko kultur ondasun izendatu du Unescok

Uxue Rey Gorraiz

Burgin (Nafarroa) ilusioz hartu dute izendapena. Ospakizuna eginen dute bihar, ezkilak errepikan jarrita.

Auschwitzeko kontzentrazio esparruan hil zen Nemirovski, 1942ko abuztuaren 17an. ©BERRIA

Nemirovskik emandako azkena

Naroa Torralba Rodriguez

'Suite frantsesa' nobelaren bertsio argitaragabe bat eman du Alberdaniak. Agota Kristofen 'Koaderno handia' ere atera du

Aukeran konpainiako kideak, Hernanin (Gipuzkoa) <em>Migratzaileak</em> disko-liburua aurkezten. ©MAIALEN ANDRES / FOKU

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.