Sexismoa

Gasteizko dantzaleku bat salatu dute festa sexistak antolatzeagatik

Gasteizko Udalak festa galarazi du, aretoak soinu muga behin baino gehiagotan gainditu duelako.

Gasteizko erdigunea artxiboko irudi batean./
Gasteizko erdigunea artxiboko irudi batean./

Ainhoa Larretxea Agirre -

2018ko abuztuak 17

Txupitoak musuen truk. Lelo hori zuen Gasteizko dantzaleku ezagun batek larunbat honetarako antolatuta zeukan festak. Gasteizko udalak, ordea, festa egitea eragotzi du; ez festaren edukiagatik, soinu muga behin baino gehiagotan gainditzeagatik baizik. Irabazi udal taldeak kexa adierazi ostean hartu du erabakia udalak. Irabazik salatu du festa hori “sexista” eta “emakumeentzako iraingarria” zela, eta udalari eskatu dio bertan behera uzteko.

Gasteizko Udalak dantzalekua itxi du behin-behinean, dezibelio kopurua bikoizteagatik—22koa da muga, eta 43,9 erregistratu dituzte bertan—.

Ez da lehen aldia dantzaleku horrek horrelako festa bat antolatzen duena; lehenago ere salatu izan dute hainbat eragilek. Iazko martxoan, erraterako, antzeko festa bat antolatu zuen. Orduko hartan ipurdi "politena" aukeratzea helburu zuen lehiaketak. Udalak eta Emakundek kexa azaldu ostean, ordea, bertan behera utzi zuten. Apirilean ere udalak bertze besta bat galarazi zuen, gonarik motzena zeukan jendea saritzen zuelako.

Dantzalekua behin-behinean itxita egongo da, eta, beraz, ezingo dute egin larunbaterako antolatu zeukaten festa. Hala ere, Ingurumen Departamentuak aztertu egingo du, ikusteko ea egitekoa zuten festak Ikuskizunen Euskal Legea apurtzen duen edo ez.

 

 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna