Donostiako Aste Nagusia

Caballer anaien su etxeak irabazi du Donostiako su festetako Urrezko Maskorra

Bigarren urtez jarraian nagusitu da Castelloko su etxea; First Class izan da bigarren, eta Parente hirugarren

Ikuskizun koloretsua eman zuen Castelloko etxeak.
Ikuskizun koloretsua eman zuen Castelloko etxeak. Jagoba Manterola / Foku

Izaro Zinkunegi Barandiaran -

2018ko abuztuak 18

Bigarren urtez jarraian irabazi du Caballer anaien su etxeak Donostiako Su Artifizialen Nazioarteko Lehiaketa. Atzo aritu zen Castelloko (Valentzia, Herrialde Katalanak) piroteknia etxea, jaietako su festen lehiaketako azken egunean. First Class Pyro-Events Alemaniako su etxeak jaso du zilarrezko maskorra. Ez da bereganatutako sari bakarra izan, ordea; hasiera onenaren garaikurra ere hark eraman du. Brontzezko maskorra, berriz, Parente Italiako su etxeak irabazi du. Hark ere sari bikoitza poltsikoratu du, epaimahai gaztearen garaikurra eman baitiote.