"Garaipen herrikoitzat" jo dute Maravillas gaztetxeko kideek bigarren okupazioa

Gaztetxea mantentzeko lanetan aritu diren guztiei eskerrak eman dizkiete Maravillaseko kideek. UPN haserre azaldu da, eta ez du baztetu Nafarroako Gobernuaren aurkako lege ekinbideak martxan jartzea.

Maravaillas gaztetxearen hustearen aurka egindako protesta./
Maravaillas gaztetxearen hustearen aurka egindako protesta./ IƱigo Uriz/FOKU

Ainhoa Larretxea Agirre -

2018ko abuztuak 20

Iruñeko Maravillas gaztetxeko kideek joan den ortziralean egindako bigarren okupazioaren inguruko balorazioa egin dute gaur goizean.

Iruñeko Maravillas gaztetxeak "garaipen herrikoitzat" jo du Rozalejoko markesaren jauregia berriz okupatu izana. Gazteek ohar bidez zabaldu dutenez, "ausardia eta errebeldiarik gabe ez da inoiz lortuko inposizioa, gezurra eta esplotazioa eraistea", eta, horregatik, "borrokarako deia" egin dute. Gazteek adierazi dute Nafar Gobernuak huste agindua bertan behera utzi ondoren berriro irekiko dutela gaztetxea.

Gaztetxeko kideek eskerrak eman dizkiete modu batera edo bertzera gaztetxea mantentzeko lanetan aritu diren norbanako eta taldeei; bereziki alde zaharreko bizilagunei. Gogoan izan dute Josefina Lamberto, Maravillas Lamberto zenaren ahizpa. Bereziki eskerrak eman dizkiote Josefinari "emakume langilen balioak eta adorea transmititzeagatik".

Maravillas eraikitzeko orduan autogestioak izan duen indarra azpimarratu dute gazteek, eta gaineratu dute soilik autogestoari esker izango dela Maravillas erabilgarria herrigintza eta gazte mugimenduetzat.

Ortziral goizaldean kaleratu zituzten eraikinetik Espainiako Poliziak eta Foruzaingoak. Arratsaldean, ordea, berriro sartu ziren gazteak Rozalejoko markesaren jauregira. Larunbatean, Iruñeko instrukzio epaitegiak bertan Maravillasen auzia artxibatzea erabaki zuen, Nafarroako Gobernuak hala eskatuta.

UPN, haserre

UPN-ko kideak haserre azaldu dira gaztetxearen okupazioarekin. Alderdiak auzi honen inguruko kudeaketari buruzko dokumentazio guztia eskatu du. Alderdi erregionalistak erran du udeaketaren ardura zeinena den aztertueko duela, eta gaineratu du beharrezkoa bada Nafarroako Gobernuaren aurkako lege ekinbideak hartuko dituela. Alderdiak "lotsagarritzat" jo du gertatua, eta gobernuari leporatu dio amore eman duela gutxiengo "erradikal" baten interesen aurrean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna