Ingurumena

Badian Bizi koordinakundeak salaketa jarri du Gipuzkoako Ingurumen Fiskaltzan

Abuztuaren 2an Pasaiako Portuan izandako sutea "osasunaren eta ingurumenaren kontrako delitua" izan zela salatu dute auzitegian.

Txatarra erretzen Pasaiako portuan, abuztuaren 2an./
Txatarra erretzen Pasaiako portuan, abuztuaren 2an./ Gorka Rubio/Foku

Leire Artola Arin -

2018ko abuztuak 21

Oiartzualdeko bizilagunek (Gipuzkoa) eskatu dute fiskaltzak "esku hartzeko" eta "ikerketa zabaltzeko", abuztu hasieran Pasaiako Portuan izandako sutea "oso larria" izan zelako. Gaur aurkeztu du salaketa Badian Bizi koordinakundeak, Donostiako Ingurumen Fiskaltzan, eta bertan adierazi du "osasunaren eta ingurumenaren kontrako delitua" izan zela sutea. Salaketarekin batera ehun bat herritarren sinadurak aurkeztu dituzte.

Portuak badiako herritarrei eragiten dizkien kalteak salatzeko eta neurriak hartzeko sortu dute Badian Bizi plataforma. Josu Pikabea eta Karmen Clemente bizilagunek informazioa galdegin dute, gertaera argitzeko: "Oraindik ez dakigu sutean ze material erre zen, ezta ere zein partikula isuri ziren airera nahiz uretara". Dena dela, salatu dute sutearen egunean onartutakoa halako hiru izan zirela airean zeuden partikula kutsakorrak.

Bestalde, eskatu dute sutearen erantzuleak nor diren argitzeko, eta beharrezko zigor edo isunak jartzeko. Azaldu dute Pasaiako Portuko Agintaritza saiatu dela Badian Bizirekin harremanetan jartzen herritar baten bidez, baina oraindik aztertzen ari direla noiz elkartu agintaritzarekin hitz egiteko.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna