Ingurumena

Aguraingo Egileor ibaian izandako isuri bat ikertzen ari dira

Aldanondo gaztandegiko sutearen ostean izan zen isuria, eta hainbat arrain eta karramarro hil dira haren ondorioz.

Isuria izan da Aguraingo Egileor ibaian. /
Isuria izan da Aguraingo Egileor ibaian. / BERRIA

Berria -

2018ko abuztuak 22

Jaurlaritzaren Uraren Agentziak jakinarazi du Egileor ibaian izandako isuri bat ikertzen ari direla. Haren arabera, abuztuaren 13koa da isuria, Aldanondo gaztandegiko sutea piztu zen egunekoa, eta, haren ondorioz, hainbat arrain eta karramarro hilik agertu dira.

Asteartean jaso zuten abisua larrialdi zerbitzuek, eta isuria izan den gunera joan ziren agentziako teknikariak. Hala, hartu beharreko neurriak zehaztuko dituztela iragarri du Uraren Agentziak, berriz halakorik gerta ez dadin.

Abuztuaren 13an, Aguraingo Aldanondo gaztandegian piztutako suteak eraikinaren bi heren kiskali zituen. Biltegian piztu zen sua, goizaldean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna