Frantzia

Frantziako Ekologia ministro Nicolas Hulotek dimisioa eman du

Ekologia ministroa izan baino lehen, ezaguna zen Frantzian, mugimendu ekologistako aktibista izan zelako luzaro.

Nicolas Hulot, artxiboko irudi batean./
Nicolas Hulot, artxiboko irudi batean./ Yoan Valat/EFE

Ainhoa Larretxea Agirre -

2018ko abuztuak 28

France Iner irratiari emandako elkarrizketa batean eman du dimisioaren berri Nicolas Hulotek, orain arte Emmanuel Macronen gobernuan Ekologia ministroa izandakoak. Adierazi duenez, karguan daraman urtebetean ez du aurrerapenik lortu ekologiaren alorrean, eta hori izan da dimisioa emateko arrazoi nagusia.

Irratiari egindako adierazpenetan, esan du desilusioa hartu duela bere buruarekin baina gehienbat “gizartearen eredu neoliberalarekin”. Gaineratu du gobernuan egon den urtebetean ez duela aurrerapenik lortu, eta egiten zuenaren inguruko itxaropena galdu duelako utzi duela kargua: "Urtebete gehiago eginda zerbait aurreratuko nuke, baina ez genuke lortuko gauzak aldatzea", gehitu du.

Espero gabeko dimisioa izan da Hulotena. Atzo ehizari buruzko bilera baten ostean hartutako erabakia izan zela adierazi du, eta Emmanuel Macron presidenteari eta Edouard Philippe lehen ministroari galdetu gabe erabaki duela.

Hulot, ministroa izan baino lehen, ezaguna zen Frantzian, mugimendu ekologistako aktibista izan zelako.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna