Albistea entzun

Kultura

Toronto International Film Festivalen izango da 'Black is Beltza'

 

Berria -

2018ko abuztuak 29

Toronto International Film Festivalera (TIFF) Film Factory nazioarteko kudeaketa agentziaren bidez iritsi da animazio filma. Nazioartean garrantzia eta prestigio handiko zinemaldia da, eta AEBetan sona handia du zinema independentearen alorrean.

Gaur zabaldu dute filmaren teaser-a, eta irailaren 11n trailer ofiziala. Hain zuzen, egun horretan emango dute Black is Beltza animazio filma Toronton.

Zinema aretoetan urriaren 5ean izango da estreinaldia.

Duela ia hamar urte hasi ziren Muguruza eta Harkaitz Cano idazlea Iruñetik New Yorkera joandako erraldoien istorioari forma ematen; Jorge Alderete marrazkilari argentinarrarekin komiki liburu bat kaleratu zuten aurrena, itzulpenak etorri ziren ondoren, kantua, bideoak eta komikian oinarritutako erakusketak, Bilbon aurrena eta Bartzelonan gero, eta animazio film bat du zain orain.

Bestetik Black is beltza erakusketa "eraberritua" irailaren 30era bitarte bisitatu daiteke Donostiako San Telmo museoan. Aurrekoen aldean, nobela grafikoaren edukiak pelikularako erabili dituzten edukiekin ordezkatu dituzte erakusketa berrian. Mantendu dute, halere, hasieratik dokumentaziorako erabilitako materialaren parte: posterrak, ikus-entzunezkoak, prentsako artxiboak eta bestelako dokumentuak. Aurrekoetan bezala, Sahatsa Jauregik josi ditu piezak, eta horien artean pisu berezia du 2000. urteko Egunkaria-ko orri batek, hark eman baitzion denari hasiera; Iruñeko erraldoiak 1965ean New Yorkera desfilatzera joan zirela kontatzen zuen artikuluak, eta erraldoi beltzak ezin izan zirela desfilean atera irakurri zuen argazki oinean Muguruzak. «Dena biltzen zen hor niretzat: arrazakeria, zentsura, beti erabiltzen dudan esana, dantzatzen den herri bat ez dela inoiz hilko».

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

 ©MARISOL RAMIREZ / FOKU

Aurtengo Durangoko Azokak argitu dezakeen argazkia

Itziar Ugarte Irizar

Digitalizazioaren aroak galdera ikur handiak ezarri ditu musikagintzaren sektorean. Nabarmen aldatu da musika banatzeko era, eta Durangoko Azokan ere gero eta begi-bistakoagoa da hori. Eredu bat agortzear sumatu arren, formatu fisikoaren aldeko jarrerari eusten diote gehienek.
Mona Hatoum artistaren <em>Still Life</em> instalazioa, Donostian. ©GORKA RUBIO / FOKU
Karmele Mitxelena eta Iñaki Cid Larrea, beren lan argitaratu berriak eskuetan, Donostian. ©GORKA RUBIO / FOKU

Karmele Mitxelenaren eta Iñaki Ciden lanak argitaratu dituzte

Itziar Ugarte Irizar

'Haragizko mamuak' du izenburu Mitxelenaren lehen narrazio liburuak, eta 'Behin batean Loiolan' antzerkiaren alorreko Ciden lanak. Donostia Hiriko Kutxa Literatura sariak irabazi dituzte biek, eta Elkarrek eman ditu lanok argitara.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.