Lehiaketa

Abian da 2018ko Kontxako Bandera BERRIAren lehiaketa

BERRIAk Donostiaz gozatzeko zortzi sari eskainiko ditu. Kontxako Banderako emakumezkoen eta gizonezkoen sailkapena asmatzen dutenen artean zozketatuko dira lau sari. Bertze laurak, parte hartzen duten guztien artean.

Arraunzaleak, ostegunean, Donostiako portuko arranplan. /
Arraunzaleak, ostegunean, Donostiako portuko arranplan. / Andoni Canellada/Foku

Berria -

2018ko irailak 1

Igandean egingo dute Kontxako Banderako lehenengo estropada. BERRIAk, urtero bezala, Kontxako Bandera lehiaketa antolatu du. Lehiaketaren atala gaurtik egongo da parte hartu nahi dutenen eskura, BERRIAren webgunean. Estropada bakoitzeko lehenengo zortzi sailkatuak asmatu beharko dira. Emakumezkoen eta gizonezkoen estropadako asmatzaileen artean lau sari zozketatuko dira. Parte hartzen dute guztien artean, berriz, bertze lau sari zozketatuko dira. Parte hartzeko, kiniela egin beharko da irailaren 8rako. Hauek dira lehiatuko diren arraun taldeak:

Emakumezkoetan, Riveira, San Juan, Orio, Arraun, Kaiku, Hibaika, Tolosaldea eta Donostiarra dira sailkatuak.

Gizonezkoetan, Urdaibai, Orio, Zierbena, Hondarribia, Cabo, San Pedro, Santurtzi eta Donostiarra.


Riveirako arraunlariak ostegunean, sailkatze estropadan. / Juan Carlos Ruiz, Foku

Emakumezko estropadan zortzi sailkatuen ordena asmatzen dutenentzako lehen saria Gudamendi Hoteleko gaua eta gosaria eta Arzak jatetxeko otordua izango dira. Bigarren saria, Leku Eder hoteleko gaua eta gosaria eta Ziaboga jatetxeko bazkaria. Parte hartzaileen artean zozketatuko den hirugarren saria Casa Tiburcioko otordu bat izango da, eta laugarrena, I. Urruzola txakolin markako kaxa bat.

Gizonezko estropadan zortzi sailkatuen ordena asmatzen dutenentzako lehen saria Troya landetxeko gaua eta gosaria eta Fagollaga jatetxeko otordua izango dira. Bigarren saria, Bernardo Etxea jatetxeko otordua eta Donostiako Aquariumerako bi sarrera. Parte hartzaileen artean, berriz, Kaskazuri jatetxeko otordu bat eta I. Urruzola txakolin markako kaxa bat zozkatuko dira.

 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna