Sagardo eguna

Sagardotegien uzta dastatu dute Donostian

 

Berria -

2018ko irailak 1

Eguraldia lagun, ehunka lagun elkartu dira larunbat goizean Donostiako Konstituzio plazan sagardo eguna aitzakia hartuta. Gipuzkoako Sagardogile Elkarteak egindako deiari erantzun diote Euskal Herriko 37 sagardotegik.

Goizean zehar, omenaldientzako tarterik ere izan dute bertara gerturatu direnek, eta Zubietako Astiazaran sagardotegiko Juan Ignacio Astiazaran eta haren emazte Isabel Diaz omendu dituzte hainbat urtez egindako lana eskertuz.

Gipuzkoako hiriburura gerturatu direnen artean izan da Arantxa Tapia Ekonomia sailburua ere. Tapiak nabarmendu du gero eta gehiago direla Euskal Sagardoa somarkarekin bat egiten duten sagardogileak. Bigarren urtean 48 izan dira sormarkarekin bat egin dutenak —41 Gipuzkoan, bost Bizkaian eta bi Araban—, eta guztien artean lau milioi litro sagardo ekoiztu dituzte.

Bide batez, Tapiak iragarri du aurtengo uzta iazkoa baino txikiagoa izango dela, eta laster hasiko dituztela sagardoa egiteko lanak, "zenbaitek irailean bertan".

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna