Langabezia

Azken hilabetean gora egin du langabeziak Hegoaldean

Gizarte Segurantzan izena emandakoen kopuruak behera egin du lau lurraldeetan.

Felipe Trueba/EFE

Arantxa Elizegi Egilegor -

2018ko irailak 4

Egun 156.270 langabe daude Hego Euskal Herrian, uztailean baino 2.644 gehiago. Lurralde guztietan egin du gora langabeziak aurreko hilabetearekin alderatuta. Ordea, iazko abuztuarekin alderatuz gero, beheranzko joerari eutsi dio, eta iazko irailean baino 12.891 langabe gutxiago daude orain.

Adinari dagokionez, 25 urtetik gorako emakumeak dira gehienak. Alor ekonomikoari dagokionez, berriz, zerbitzuetan izan da beherakada handiena, eta horien atzetik daude industria eta eraikuntza.

Jaurlaritzako Lan eta Gizarte Politikarako sailburu Beatriz Artolazabalek normaltzat jo ditu datuok, eta adierazi du "krisi aurreko garaietara itzultzen ari garen seinale" direla: "Krisi aurreko urteetan abuztuko langabezia datuak opkerragoak izan ohi ziren. Urtean zeharhilabete hobeak eta okerragoak daue; urtetik urterako gora-beherei begiratu behar zaie". 

Gizarte Segurantzan izena emandakoen kopuruak ere behera egin du azken hilabetean Hego Euskal Herriko lau lurraldeetan; 13.661 afiliatu gutxiago daude abuztutik. Aurreko urteko garai berarekin alderatuta, ordea, 26.081 gehiago dira Gizarte Segurantzan izena emandakoak.

Datuak:

Araba: 20.041 langabe. Uztailarekiko: 465 (%2,38). Iazko abuztuarekiko: -1.675 (%-7,71).

Bizkaia: 71.376 langabe. Uztailarekiko: 1.421 (%2,03). Iazko abuztuarekiko: -4.998 (%-6,54).

Gipuzkoa: 32.189 langabe. Uztailarekiko: 663 (%2,10). Iazko abuztuarekiko: -2.931 (%-8,35).

Nafarroa: 32.664 langabe. Uztailarekiko: 95 (%0,29). Iazko abuztuarekiko: -3.287 (%-9,14).

Hego Euskal Herria: 156.270 langabe. Uztailarekiko: 2.644. Iazko abuztuarekiko: -12.891.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna