Gizartea

Gipuzkoako Onkologikoa Osakidetzako beste zentro bat izango da

Irabazi asmorik gabeko osasun zentro pribatuekiko lotura hitzarmena arautu du Eusko Jaurlaritzak, dekretu bidez. Kutxa fundazioa izango da jabea, baina Osasun Sailak zehaztuko ditu ildo estrategikoak, sare publikoak dituen ildoekin bat eginez.

Gipuzkoako Onkologikoaren irudia.
Gipuzkoako Onkologikoaren irudia. Jon Urbe

Jon Rejado -

2018ko irailak 4

Eusko Jaurlaritzako Osasun Sailak 2019tik aurrera izan nahi du Gipuzkoako Onkologikoa bere zentroen sarean sartuta, eta hori lortzeko tresna onartu du gaur bertan: irabazi asmorik gabeko osasun zentro pribatuekiko lotura hitzarmenaren dekretua. Horren arabera, Onkologikoa Osakidetzako beste zentro bat bihurtuko da, baina titulartasun pribatuari helduz. Tresna onartuta, hitzarmena adostu beharko dute bi aldeek.

Dekretu horretan zehaztutako harremana ez da izango zerbitzuen araberakoa. Hots, Eusko Jaurlaritzak ez du zerbitzu jakin batzuen truke ordainduko. Titulartasun publikoko zentroen antolakuntza eta funtzionamendu erregimen berarekin kudeatuko dute onkologikoa. Jon Darpon Osasun sailburuak azaldu du hitzarmenak “esfortzuak bateratzeko” balioko duela. “Baliabideak optimizatzea ahalbidetuko du, eraginkortasuna eta osasun arretaren kalitatea hobetuz”.

Dekretua onartuta, hitzarmena adostu beharko dute bi aldeek. Bertan zehaztu beharko dituzte funtzionamenduaren nondik norakoak. Hori guztia urtea amaitu aurretik adostu nahi du Darponek. Hartara, 2019an Onkologikoa Osakidetzako zentroen sarean egongo da.

 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna