Noiz sortua: 2018-09-06 12:54:54

KOMUNIKAZIOA

ETB1ek 'Dantzango!' dantza lehiaketa estreinatuko du hilaren 12an

Gasteizko FesTVal jaialdiaren barnean, ETBk ikasturteko berrikuntzak aurkeztu ditu. Astelehenean Ahoz aho saioa itzuliko da, eta aurrerantzean 18:00etatik 20:00etara emango dute.

'Dantzango' saioaren platoa. /
'Dantzango' saioaren platoa. / EITB

Urtzi Urkizu -

2018ko irailak 6

Udazkeneko programazioaren aurkezpena egin du gaur goizean Gasteizen Euskal Telebistak. Euskarazko saio berrien artean, Euskalonski eta Dantzango! nabarmendu dituzte. Astelehenean estreinatu zuten Euskalonski saioa —igandean BERRIAk Pello Reparaz aurkezlearekin egindako elkarrizketa argitaratuko du—. Bestetik, hilaren 12an Dantzango! lehiaketa estreinatuko dute. Euskal Herriko hamar dantza talde lehiatuko dira, zortzi pertsona ezagunen babesarekin. Talde irabazleak Go!azen telesaileko denboraldi berrian dantzatuko du. Edozein estilotan dantzatzen duten taldeek parte hartuko dute. Zuriñe Hidalgok aurkeztuko du programa hori.

Gaur gauean, bestalde, Gailurra X3EM saioa ematen hasiko da ETB1 (22:30). Andorrako Encamp herritik, eta Pirinioetan barrena 400 kilometroko ibilbidea egin ondoren, Hiru Erregeen Mahaia mendiaren gailurrean bukatuko dute zehakaldia 22 lagunek.

Asteartean Ur handitan saioa itzuli zen euskarazko katera, eta Xabier Madariagak aurkeztutako programa zortzi herrialdetan ibiliko da zortzi astez.

Datorren astelehenean, Ahoz aho saioaren denboraldia hasiko da, ordutegi berriarekin. Hemendik aurrera, 18:00etatik 20:00etara emango dute aktualitateko programa. Amaia Cayerok eta Ilaski Serranok gidatuko dute, ohiko moduan. Ahoz aho+ astearte gauetan emango dute, iaz bezala, Saioa Martijak gidatuta. Astelehenean bertan hasiko dute Gure Kasa saiokoek bigarren denboraldia, plato berritu batekin.

Txoriene hilaren 17an itzuliko da programaziora, Herri txiki, infernu handi urriaren 7an bueltatuko da, eta azarora arte itxaron beharko da Go!azen telesailaren atal berriak ikusteko. Hitzetik hortzera bertsolaritza saioa Eider Perezek aurkeztuko du aurten.

ETB3 katean, datorren astelehenean itzuliko dira 3zpa4 eta 3txulo saioak.

ETB2 katean, VPO umorezko saioa estreinatuko dute laster. Halaber, La victima número 8 telesail berria iritsiko da —aurre-estreinaldia bihar egingo dute Gasteizko jaialdian—. Docu-reality bat ere iritsiko da gaztelaniazko katera: Punto de vista. "Lekukotasun baten errealitatea, baldintza eta egoera bizitzeko eta ulertzeko modu iraultzailea izango da", azaldu dute ETBko arduradunek. Programaziora itzuliko dira datozen egunetan honako saioak: 360º Tú decides, 360º, En Jake, Historias a bocados, A bocados...

 

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Azkeneko 24 orduetan COVID-19 gaitzak ez du inor hil du Euskal Herrian, eta hamasei positibo atzeman dituzte PCR probekin. Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Gazte bat Iruñeko igerileku batera sartzen, joan den astean. ©IDOIA ZABALETA / FOKU

Bi lagun hil dira eta bertze hogei positibo atzeman dituzte Euskal Herrian

Maddi Ane Txoperena Iribarren

Detektatutako azken kasuetatik bosna daude Araban, Bizkaian, Gipuzkoan eta Nafarroan. Baliteke batek lotura izatea Orioko kasuekin

Produktibitatea
Hainbat pertsona Iruñean, maskarak jarrita dituztela. ©IÑIGO URIZ / FOKU

Nafarroan 10.351 pertsonak pairatu dute gaitza, gobernuaren arabera

Igor Susaeta

Hego Euskal Herrian bost pertsonak eman dute positibo PCR proban. Murgarentzat, orain ez dago «transmisio komunitariorako arriskurik»

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna