Higiezinak

Salmenten igoerarekin, gorantz doaz etxebizitzen prezioak ere

Iazko bigarren hiruhilekotik aurtengora etxeak %5,8 garestitu dira Araban, Bizkaian eta Gipuzkoan, eta %3,5 Nafarroan.

Etxebizitza bat salgai Iruñean.
Etxebizitza bat salgai Iruñean. Iñigo Uriz / FOKU

Irune Lasa -

2018ko irailak 7

Eskariaren eta salmenten igoerak lagunduta—urtarriletik ekainera 13.146 etxebizitza salerosi dira Hego Euskal Herrian—, etxebizitzen salneurriek gorantz jarraitu dute urteko bigarren hiruhilekoan ere. Iazko bigarren hiruhilekotik aurtengora etxeak %5,8 garestitu dira Araban, Bizkaian eta Gipuzkoan, eta zerbait gutxiago Nafarroan, %3,5.

Prezioen igoera handiena, betiere aurreko urteko epe berarekin alderatuta, etxebizitza berrien salmentetan gertatuta da Araban, Bizkaian eta Gipuzkoan, etxe berriak %6,2 garestiago salerosi baitira, eta bigarren eskukoak, %5,7 garestiago. Nafarroan, berriz, salerositako bigarren eskuko etxebizitzen prezioan izan da hazkunderik handiena: %3,5 garestitu dira. Etxebizitza berrien prezioak, %2,7.

INEren arabera, lehen hiruhilekotik bigarrenera etxebizitzak %2,6 garestitu dira Araban, Bizkaian eta Gipuzkoan, eta hazkundea apalagoa izan da Nafarroan (%2,4).

 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna