Estatus berria

Estatus berriaren akordioa babestuko du EH Bilduk, “adostutako oinarriak” errespetatzen badira

Eragile politiko, sindikal eta sozialei "erantzukizunez eta eskuzabal" jokatzeko deia egin die Arnaldo Otegi koalizio abertzaleko koordinatzaileak.

Ainhoa Larrabe Arnaiz -

2018ko irailak 8

Eusko Legebiltzarrean Araba, Bizkai eta Gipuzkoak etorkizunean izan beharreko estatus politikoari buruz EH Bildu eta EAJ alderdiek lortutako akordioa bultzatzeko duen konpromisoa berretsi du gaur EH Bilduk, baina Arnaldo Otegi koalizio abertzaleko koordinatzaileak argi utzi du akordioan jasotako oinarriak errespetatu egin behar direla. “Akordioak aurrera egin dezan konpromisoa hartzen dugu, baina aurretik onartutako irizpideak eta oinarriak errespetatuz”. Gernikako arbolaren aurrean egin ditu adierazpenak Otegik. “Erabakitzeko eskubidea da gure gizartea ardazten duena, gure bizitza politikoaren, sozialaren, ekonomikoaren eta kulturalaren gaineko kontrola izateko aukera ematen digu eskubide horrek”.

EAJ eta EH Bilduk lortutako akordioak “zilegitasun demokratiko” osoa duela azpimarratu du eta, norabide horretan zuzendu zaie PSE-EE eta PP alderdiei: “Zilegitasuna dute akordioaren kontra egoteko edo kritikotasun politikoa adierazteko, baina ez dute inolako zilegitasunik, herri honen eskubide demokratikoen aurrean, inposizioa eta betoa planteatzeko”. Autonomian oinarritutako eredua “agortuta” dagoela uste du EH Bilduk. “Gure ustez gaindituta dagoen eredu bati buruz ari gara autonomiari buruz aritzean. Ez da autonomien garaia, burujabetzaren garaia da”.

Eragile sozial, sindikal eta politikoei “erantzukizunez eta eskuzabal” jokatzeko eskatu die Otegik. “Guretzat denen arteko akordioa izan behar da eta denen artean aberastu behar da. Gure herriak bere etorkizunaren jabe izateko unea du. Hortaz, denon artean, demokraziaren, erabakitzeko eskubidearen eta berdintasunaren aldeko akordioa eraikitzeko unea da”.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna