Kirola

Erremonte txapelketa


Erremontea-Buruz Burukoa

Urrizak nagusitasun osoz lortu du seigarren txapela

Uste baino errazago irabazi du Utergaren aurkako Buruz Buruko Kutxabank Torneoa (30-15)

Urriza txapelarekin, Uterga alboan duela.
Urriza txapelarekin, Uterga alboan duela. Maialen Andres

Iñigo Goñi Iradi -

2018ko irailak 8

Urrizak askok uste baino errazago irabazi du seigarren txapela. Kutxabank Torneoko finalean 30-15 hartu du mendean Xanti Uterga, eta finalik berdinduena espero zena horretan geratu da, esperoan. 

Iruñeko aurrelariak asmatu du bai sakearekin, baia piloteoan eta baita banakako jokoak eskatzen duen guztian ere. Utergak, berriz, ez du bere jokorik egin, eta gauzak ez zaizkio nahi bezela irten. 

Urrizak sakearekin min handia egin du, eta Utergak, berriz, errestoan ez du piloteoaren ekimena hartu. Jokaldi gutxiko finala izan da, eta Urrizak indarrarez atzean eginiko tantoak izan dira gehienak. 

Partida ongi hasi da Doneztebeko aurrelaiarentzat, 0-1 eta 2-3 aurretik, baina berehala hartu du aurrea aurkariak, 7-3, eta, gero, kontrolpean izan du finala denbora guztian. Bederatzi tantoren aldea lortu du lan erditarako, 15-6, eta, nahiz eta Utergak jarraian hiru tanto egin, 15-9, abantaila berriz handitu du, eta azkenengoarekin lortu du alderik handiena, 30-15. 

52 minutu iraun du finalak, eta Urrizak 19 tanto egin ditu piloteoan, bederatzi sakez, eta lau galdu ditu guztira. Utergak zortzi tanto bakarrik lortu ditu piloteoan, eta hiru sakez. Guztira, bi pilota galdu ditu. 

Urrizak sei txapel ditu jadanik, eta bigarrena da txapel gehien dutenen sailkapenean, Ezkurraren atzetik.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna