Errauste planta

Erraustegiaren kontrako giza katea egin dute Donostian

Urtero bezala, Kontxako Bandera jokoan zen bitartean, erraustegiaren beharrik ez dagoela aldarrikatu dute, hondartzan egindako giza katean.

Giza katea Kontxako hodartzan. @ERRAUSAURKMUGI
2018ko irailaren 9a
12:30
Entzun

Errausketarik ez, osasuna bai, alternatiba badago! esaldia osatzen zuten letrak erakutsi dtuzte Erraustegiaren Aurkako Mugimenduko kideek, gaur, Donostian. Kontxako hondartzan, uraren ertzean egin dute giza katea, estropada ikustera joandakoek antzemateko moduan.

Giza katea hasi aurretik pankarta jartzen ari ziren batzuk identifikatu dituztela salatu dute.

Mobilizazioan, erraustegia ez dela beharrezkoa aldarrikatu dute, pertsonen osasunerako "larriki kaltegarria" izan daitekeela, "klima aldaketa eragiten duten gasen igorle nagusia izango dela" Gipuzkoan, eta haren eraikuntza eta funtzionamendua oso garestiak direla. Horregatik, alternatiba merkeago eta osasuntsuagoak badaudela azpimarratu dute.

Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Orain, aldi berria dator. Zure aldia. 2025erako 3.000 babesle berri behar ditugu iragana eta geroa orainaldian kontatzeko.