Adineko emazte bat zauritu da Maulen, sute baten ondorioz

87 urteko emaztea da zauritutakoa. Sutea kontrolpean dute suhiltzaileek.

Berria -

2018ko irailak 11

Mauleko Nafarroa karrikako etxe batean, sua piztu da gaur goizean, 07:00etan. 87 urteko emazte bat zegoen barnean, eta auzokoek lagunduta atera dute, sokorri zerbitzuak iritsi aitzinetik. Helikopteroan eraman dute Bordeleko (Okzitania) ospitalera, egoera larrian.

Maule, Atharratze eta Donapaleuko 25 suhiltzaile mobilizatu behar izan dituzte suteari aurre egiteko. Sutea nahigabekoa izan dela uste dute, arazo elektriko batek eragindakoa.