Katalunia

Preso dauden Kataluniako politikariekin bildu dira Otegi eta Ortuzar

Josep Rull, Jordi Turull eta Joaquim Forn espetxean dauden kontseilari ohiak bisitatu dituzte.

Lledonerseko espetxean daude Rull, Turull eta Forn. /
Lledonerseko espetxean daude Rull, Turull eta Forn. / Susana Saez/EFE

Arantxa Elizegi Egilegor -

2018ko irailak 11

Diada egunaren bezperan izan zen EH Bilduko koordinatzaile nagusia Lledonerseko kartzelan (Katalunia). Josep Rull, Jordi Turull eta Joaquim Forn kontseilari ohiekin elkartu da Arnaldo Otegi, eta "indartsu" daudela nabarmendu du.

Lau orduz egon zen Otegi prozesu subiranistarengatik espetxeratutako hiru buruzagiekin. "Oso ondo ikusi ditut fisikoki, baina batez ere oso garbi dute modu bidegabean espetxeratu dituztela. Horretan ados gaude. Preso sartu dituzte herriari hitza eta ahotsa emateagatik eta herriari adierazteko askatasuna emateagatik", salatu du.

Bestalde, Diadaren ekitaldietan parte hartzeko asmoz, Bartzelonan da Andoni Ortuzar buruzagi jeltzalea ere, eta, hark ere bidaia baliatu du hiru kontseilari ohiekin biltzeko. BBBko buruak "elkartasuna" helarazi die Kataluniako prozesu subiranistarekin lotuta preso dauden buruzagi independentistei, eta ohartarazi du gatazka ez dela konponduko epaiketen bidez, elkarrizketarekin baizik. "Lasai eta indartsu" ikusi dituela esan du.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna