Albistea entzun

Literatura

Iban Zalduak 'Sekula kontatu behar ez nizkizun gauzak' ipuin bilduma plazaratu du

Azken lau urteetan idatzitako 32 ipuin bildu ditu idazleak; "egunerokotasunari azpilak bilatzen" dizkioten kontakizunak dira, egilearen beraren hitzetan. Elkar argitaletxearekin plazaratu du lana, eta gaur arratsean Donostiako Tobacco Days liburu dendan aurkeztuko du, errezital baten bitartez.

Iban Zaldua, 2016ko irudian, Donostiako Elkar liburudendan.
Iban Zaldua, 2016ko irudian, Donostiako Elkar liburudendan. Jon Urbe / Foku

Gorka Erostarbe Leunda -

2018ko irailak 11 09:54

Sekula kontatu behar ez nizkizun gauzak izenburuak liburuko kontakizun ia guztietan errepikatzen den patroi bati erantzuten dio, Iban Zalduak gaur goizean Donostiako Elkar liburudendan egin duen aurkezpenean. "Errebelatzen diren edo ez diren sekretuak daude istorioetan", tabu txikiak eta handiagoak, "zeinak fikzioaren bitartez askoz ere hobeto isla daitezkeen". Alegia, esanahi orokorrago bat ere badu izenburuak: "Literaturaren bidez bizitza errealean esaten ez diren gauzak esaten saiatzen gara".

Xabier Mendiguren Elizegi Elkar argitaletxeko editorearen esanetan, "fikzioaren festa bat" da Zalduaren azken liburua: "Istorio aski laburrak oro har, gaien, estiloen eta tekniken ugaritasuna erakusten digutenak, eta egilearen trebezia: fantasiari zirrikitu bat  irekitzen diotenak, bikoteen arrakaletan arakatzen dutenak, euskal gatazkari geruza berriak bilatzen dizkiotenak, elkarrizketa bidezkoak, txosten gisakoak, jostalariak, dramatikoak, ironikoak...".

Euskal gatazka edo Zalduak "Gauza" deitzen duenak oraingoan ere badu presentzia, baina ñabardura batez azaldu du Zalduak. "Gatazkaren inguruan idazleok dugun egitekoa oso xumea da beste batzuen aldean; kazetariek, historialariek dute egiteko garrantzitsuena gertatu izan denaren kontakizunak bilduz, errelatoa deitzen duten hori osatzeko. Ipuin hauetan gatazka bera baino gehiago azaltzen dira gatazkaren kontakizun horien inguruko kontakizunak eta hausnarketak".

Iban Zalduak Ana Malagon idazlearen eta Aitor Arregi zinemagilearen laguntza izan du aurkezpena egiteko orduan. Malagonen ustetan, gizartearen "megagauzaetako" bat da familiaren gaia: "Ibanek oso ondo islatzen ditu ipuinotan familietan dauden disfuntzioak. Alabek dute presentzia handia, batez ere... oso modu aberatsean jorratzen ditu familia barneko misterioak, sekretu txiki eta handiak...".

Arregiren ustez, Zalduak gaitasun berezia dauka "egoera arrunt batean elementu ez hain arruntak txertatu eta deserosotasun egoera bat sortzeko; horrek asko erakartzen nau. Gainera, haren literatura oso da zinematografikoa, ez irudien indarragatik, gertakizunen garapenarengatik baizik". Arregi bera Zalduaren Inon ez, inoiz ez liburuko Ama ipuinean oinarrituriko film laburra prestatzen ari da. lanak Mateoren ama izango du izenburutzat, eta edizio lanetean ari dira egun.

Iban Zalduak liburuan aurkezpena egingo du gaur arratsean Donostiako Tobacco Days liburu dendan, Koruko Heras piano jotzailearen laguntzaz [19:00].

 

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Irizpidea duzulako. Giroan zabiltzalako.

Zuk badakizulako.

Albiste gehiago

Oier Iruretagoiena artista <em>San Sebastian eta fantasma</em> erakusketarako ondutako pieza baten ondoan, Donostiako San Telmo museoan. ©JON URBE / FOKU

Sufrimenduaren estetizazioa

Itziar Ugarte Irizar

Oier Iruretagoienak 'San Sebastian eta fantasma' erakusketa zabaldu du Donostiako San Telmo museoan. Bi parte ditu: martiri erromatarraren iruditik abiatutako lanak eta soinu instalazio bat

Cristina de Middelek Aleatoris Vulgaris seriean sortu dituen collageetako bat. ©BERRIA

Irudiekin kritika egiteko lengoaiak

Ane Eslava

Cristina de Middelek artearen tresnak baliatzen ditu argazkiekin bere ikuspegiak zabaltzeko. Erakusketa bat jarri du Nafarroako Unibertsitateko Museoan

Gure izeneko umea eta haren aita dira Alex Orbe marrazkilariak eta Unai Elorriaga idazleak argitaratutako <em>Jarraitu inurriari</em> liburuko protagonistak. ©HARRIET EDICIONES

Lurrundu egin den ama bat

Iñigo Astiz

Unai Elorriaga idazleak eta Alex Orbe marrazkilariak ama noiz itzuliko esperoan bizi diren aita-alaba batzuen nondik norakoak kontatu dituzte 'Jarraitu inurriari' komiki liburuan

 ©GORKA RUBIO/ FOKU

«Tradizioa etxe zahar bat eraberritzearen moduko zerbait da»

Alex Uriarte Atxikallende

'KlasikAT'egitasmoaren barruan, Kalakanek Euskadiko Orkestrarekin diskoa grabatu du. Hego Euskal Herriko lau hiruburuetan eta Donibane Lohizunen aurkeztuko dute, urriaren 20tik azaroaren 5era bitartean.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.