Zinemaldia

"Ez galdu Zurriolako Butaka saioa"

Zinemagileek eta aktoreek ‘Zurriolako butaka’ saioa babestu dute

Berria -

2018ko irailak 12

Hilaren 21ean hasiko da Donostiako Zinemaldia, eta, zazpigarren urtez, BERRIAk Zurriolako butaka saioa egingo du, euskarazko beste komunikabide batzuekin elkarlanean. Saioa egonkortzen ari da urtez urte, eta euskal zinemako hainbat sortzailek programa ikustera animatu dituzte herritarrak. Klara Badiolak, Itziar Ituñok, Joseba Usabiagak, Josean Bengoetxeak, Jon Garañok, Ximun Fuchsek, Katti Pocheluk, Koldo Almandozek, Jorge Gilek eta Maider Fernandezek saioa babestu dute, Zinemaldian euskaraz egiten den programa bakarra, alegia.

Programa egunero ikusi ahalko da BERRIAren webgunean, Zinemaldiak irauten duen egunetan. Egunero ariko dira Kursaaletik elkarrizketak egiten, eta, urtero bezala, euskarazko filmek eta dokumentalek hartuko dute protagonismoa.

Aurten, Euskal Herriko hogei ekoizpen emango dituzte Zinemaldian, inoiz baino gehiago. 

Zurriolako butaka saioan parte hartzen duten komunikabideek prentsaurreko bat emango dute datorren astelehenean, berrikuntzak aurkezteko. Izan ere, aurreko urtearekin alderatuta, saioak berritasun garrantzitsuak izango ditu.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna